Mamma Dharifulhu Naa Na Naa 16

އެދުވަހުގެ އިރު އޮއްސުނީ އަހަރެންގެ ޙަޔާތުގައި އާ ބާބެއްގެ ފެށުން ގެނެސްދީފައެވެ. އާ ތަޖުރިބާތަކެއް ކުރުވާފައެވެ. އަހަރެން އެދުވަސް މަތިން ދުވަހަކުވެސް ހަނދާން ނުނެތޭނެކަން އަހަރެންނަށް އެނގެއެވެ. އެހުރިހައި ކަމެއް ހިނގާ ދިޔައިރުވެސް އަހަރެންނަށް ހުރެވުނީ ހަމަ ހެޔަކު ނޫނެވެ. ގެއަށް ދިއުމަށްފަހު އަހަރެންނަށް ރޮވުނީ އެހެންވެގެންނެވެ. އަހަރެންނަށް މިކުރެވުނީ ކީއްހެއްޔެވެ؟ އަހަރެންނާ އަންމަޑޭމެންނާ ހުރި ތަފާތަކީ ކޮބައިހެއްޔެވެ؟ މަގުމަތީގައި ވަކަރުގޭ ކުދިންހެން ލާޗާރުބިޗާރަށް ތެޅިއަރުވާ މީހުންނާ އަހަންނާ ހުރި ތަފާތަކީ ކޮބައިހެއްޔެވެ؟ މީގެ ކުރިން ދުވަހަކުވެސް ލޮލުން ދެކެފައިނުވާ އަންހެނަކާއެކު އެފަދަ ގުޅުމެއް ހިންގަން އަހަރެން ޖެހިލުން ނުވީ ކީއްވެހެއްޔެވެ؟ އަމިއްލަ ޙިއްސުތަކުގެ މައްޗަށް އަހަރެންނަށް ބާރު ނުފޯރުވުނީ ކީއްވެޔެއްޔެވެ؟

ލިބިފައިވީ ވަރުބަލިކަމާއެކުވެސް އަހަރެންނަށް އެރޭ ނިދުނީ އެތައް ދަމެއްވީ ފަހުންނެވެ. ބޮޑު ފާފައެއް ކުރެވުނުކަމުގެ އިޙުސާސް އަހަރެން ނިދިން މަޙުރޫމް ކުރުވީއެވެ. އަހަރެންނަށް ކުރެވުނުކުށަށް މަޣުރިބު ނަމާދާއި އިޝާނަމާދުގެ ފަހުގައި ތައުބާވެސްވީމެވެ. އެކަމަކުވެސް ހިތަށް ހަމަޖެހުން ލިބޭގޮތެއް ނުވިއެވެ. އަހަރެން ކޮންމެވެސް މީހަކާއި މިވާހަކަ ދައްކަން ބޭނުންވިއެވެ. ހިތަށް ލިބިފައިވާ ނުތަނަވަސްކަން ފިލާތޯއެވެ. އެކަމަކު މިވާހަކަތައް ދައްކާނީވެސް ކާކު ކައިރީ ހެއްޔެވެ؟ ޝަހޫދައްތަ ކައިރީ ބުނާކަށް ނުކެރޭނެއެވެ. ޝަހޫދައްތަ އަހަރެންނަށް ނަފުރަތު ކޮށްފާނެތީއެވެ. ދޮންބެ ކައިރީގައި މިވާހަކަ ދައްކަން ކެރިއްޖައިހެވެ. އެކަމަކު ދޮންބެވެސް އަހަރެން މަތިން މިހާރު ހަނދާން ނައްތާލައިފިކަން ގައިމެވެ. އަހަރެން މާލޭގައި އުޅޭކަން މިހާރު ދޮންބެއަށް އެނގޭނެކަން ގައިމެވެ. ތުއްތުބޭއަށް ފެނުނު ދުވަހު ތުއްތުބެ ދޮންބެކައިރީގައި ބުނާނެކަން ޔަޤީނެވެ. އެކަމަކުވެސް ދޮންބެ އަހަރެން ހޯދާކަށް ނާދޭނޫންހެއްޔެވެ؟

އަނެއްކާ އަހަރެން ހޯދަން އައުން މަންމަ ދޮންބެއަށް މަނާ ކުރީހެއްޔެވެ؟ މަންމަ އަހަރެންދެކެ އެހާ ރުޅިއެއް އެ އަންނަނީ ކީއްވެގެންކަމެއް އަހަރެންނަކަށް ހަމަ އެއްގޮތަކަށްވެސް ނުވިސްނެއެވެ. މަންމަކައިރީގައި އުޅުނުހައި ދުވަހުވެސް މަންމަގެ ލޯބި ހޯދުމަށްޓަކައި އަހަރެން ނުކުރަނީ ކީތްހެއްޔެވެ؟ ހަނދާން ހުންނަންފެށީއްސުރެވެސް އަހަރެން މަންމަގެ ބަސް އަހަމެވެ. މަންމަ ބުނާ ކަންތައްތައް ކޮއްދެމެވެ. އެކަމަކު ދުވަހަކަ ދުވަހަކަވެސް ދަރިފުޅާއޭ ކިޔާފަ ގޮވާވެސް ނުލައެވެ. ލޯބިން ފިރުމާނުލައެވެ. އަހަރެންގެ ގައިގައި އަތްލަންވެސް މަންމަ ބޭނުން ނުވާކަހަލައެވެ. އަހަރެންނަކީ ނަޖިހުން ތަތްތެޅިފައިވާ މީހެއް ކަހަލައެވެ.

އެރޭ ނިދިޖެހުމާއެކު އަހަރެންނަށް އެއްކަލަ ބިރުވެރި ހުވަފެން ފެނުނެވެ. އެ ހިތަގައިމު ތުނޑިމައްޗެވެ. ހަނދުވަރުގެ ރިހިއަލީގެ ތެރެއިން ޝަހޫދައްތަގެ ކަނދުރާއަށް ބަލަން ހުއްޓާ އަހަރެންގެ ފައި ގަނބަންފެށިއެވެ. އަހަރެން ދުވެފައި އެއްގަމަށް އެރުމުން ދިމާވީ ހަމަ އެ ވަޅުގަނޑުތަކާއެވެ. އެކަމަކު ފަހަތް ބަލާލިއިރު ފަހަތުގައި ހުރީ އެހެން ފަހަރުފަހަރު ހުވަފެނުގައި ފެންނަ މިހާއެއް ނޫނެވެ. އެއީ ކާކުކަން ވަކިކުރަން ނޭންގުނަސް އެހެންރޭރެއަށް ފެންނަ މީހާއަށްވުރެ އޭނާ އެތައް ތަނެއް ބިޔައެވެ. އަހަރެން ކުރިއަށް ދުއަވައިގަތީމެވެ.

'ފައޫ!' އަހަންނަށް ސިއްސައިގެންގޮސް ހޭލެވުނެވެ. އޭރު އަހަރެންގެ މޫނާއި ދިމާއަށް ގުދުވެގެން ޝާޒިޔާ އޮތެވެ. އަހަރެން އަވަސް އަވަހަށް ތެދުވެ އެނދުގައި އިށީންނީމެވެ. ސޯޓެއް އެކަނި ލައިގެން އިންއިރުވެސް ހޫނު ގަދަކަމުންނާ ފެނުނު ހުވަފެނުގެ ސަބަބުން އަހަރެން ވަނީ ދާހިއްލާ ފޯވެފައެވެ.

'ކިހިނެއްވީ؟' އަހަރެން ނިދާބޮކީގެ ފަނޑު އަލީގެތެތެއިން ކޮޓަރީގެ ފާރުގައި ހުރި ގަޑިއަށް ބަލާލަމުން ބުނީމެވެ. އޭރު ގަޑިން މެންދަމުން އަލިވެ ތިނެއް ޖަހަން އުޅެނީއެވެ. 'ކީއްކުރަން މިގަޑީގަ ތިއައީ؟'

'މަށަށް އެނގޭ ފައޫ މިއަދު ދިޔަތަން.' ވަރަށް ހަރު ގޮތަކަށް ޝާޒިޔާ ބުނެލިއެވެ.

'އުނ؟' އަހަރެން ހައިރާންވިއެވެ. އަދި ކުޑަކޮށް ޖެހިލުނަވާގޮތް ވިއެވެ. 'ކޮންތާކަށް؟' އަހަރެންނަށް އަހާލެވުނެވެ.

ޝާޒިޔާ އަހަރެންނާ ދިމާއަށް އަތްދިއްކޮށްލުމަށްފަހު ލައްޕާފައިވާ މުއް ހުޅުވާލިއެވެ. މުށުތެރޭގައި ކޮންޑޮމް ޕެކެޓެއް އޮތެވެ.

އަހަރެންގެ ހިތް ބާރުބާރަށް ތެޅިގަތެވެ. އެއީ އަހަރެން ގެއަށް އަންނަން އުޅެނިކޮށް އަހަރެންގެ ފަޓުލޫނުގެ ޖީބަށް އަންމަޑޭ ލީ ކޮންޑޮމް ޕެކެޓެކެވެ. 'ފަހުން ބޭނުން ޖެހޭނެ!' އަންމަޑޭ ބުންޏެވެ. އަހަރެން ހުރީ ގެއަށް ވަނުމުގެ ކުރިން ކޮންމެވެސް ތަނަކަށް އެ އެއްލާލުމަށް ވިސްނައިގެނެވެ. އެކަމަކު އަހަރެންނަށް ކުރެވުނު ކުށާމެދު ވިސްނުނު ވަރުން އެކަން ކުރުމަށް ހަނދާންނެތުނީއެވެ.

'ކީއްކުރަން މަގޭ އެއްޗިހި ހާވަނީ؟' އަހަރެން ބިރުގެންފައިވާކަން ފޮރުވުމުގެ ގޮތުން ރުޅިއައި ކަމަށް ހެދީމެވެ.

'ހާދަ ރުޅިއައީ!' ޝާޒިޔާ ބުނެލިއެވެ. 'މަށެއް އެއްވެސް މީހެއް ކައިރީގަ ނުބުނާނަމޭ.'

އަހަރެން ޝާޒިޔާގެ މޫނަށް ބަލާލީމެވެ. އޭނާގެ މޫނުމަތީގައި ވަނީ 'ބާރު އޮތީ އަހަރެންގެ އަތުގައޭ' ބުނާކަހަލަ ހިނިތުންވުމެކެވެ.

'އެކަމަކު ފައޫ ބޭނުމިއްޔާ ބައްފަކައިރީ ބުނެދީފާނަން!'

އަހަރެންގެ ހިތަށް ހީވީ ހޫނު ފެންއެއްޗެއް އަޅާލިހެންނެވެ. މޫސަބޭއަށް އަހަރެން ކުރި ފާފަ އެނގިއްޖެއްޔާ އަހަރެން އެގެއިން ނުކުމެގެން ދާން ޖެހޭނެކަން އަހަރެންނަށް އެނގެއެވެ. މޫސަބޭއަކީ ވަރަށް އަޅުވެރި އަޤީދާ ވަރުގަދަ މީހެކެވެ. އަހަރެންކަހަލަ ފާފަވެރިއަކު އެގޭގެ ފުރާޅުދަށުގައި އުޅޭކަށް މޫސަބޭ ބޭނުމެއް ނުވާނެއެވެ. އެކަމަކު މޫސަބޭ ކައިރީ ނުބުނާށޭ ބުނެ ޝާޒިޔާއަށް އާދޭސް ކުރާކަށްވެސް އަހަރެން ބޭނުމެއް ނުވިއެވެ.

'ކީކޭ ބުނާނީ؟' އަހަރެން އެހީމެވެ.

'ކީކޭ ބުނަންވީ؟' ޝާޒިޔާވެސް ކުރީ ސުވާލެކެވެ. އޭނާގެ އަޑުގައާއި ވާހަކަ ދެއްކުމުގެ ރާގުގައިވެސް ހަރު ގޮތެއް ހުއްޓެވެ. އެހެންޏާ އެހުންނަ ތުއި ގޮތްގަނޑު މިހާރު އެއްވެސް ވަރަކަށް ނެތެވެ. 'ބުނެދީފާނަން ފައޫ ބައްޕައަށް ދޮގުހަދާފަ ބިޓެއްކައިރިއަށް ދިޔަވާހަކަޔާ... ކޮންޑޮމް ގެންގުޅޭ ވާހަކަޔާ... އަދިވެސް...'

އަހަރެން ޝާޒިޔާގެ މޫނަށް ބަލަހައްޓައިގެން އިނީމެވެ. އޭނާއަށް މޫސަބޭކައިރީ އެވާހަކަތައް ދައްކަން ކެރޭނެކަމާމެދު އަހަރެންނަށް ޝައްކެވެ.

'ކިހިނެއްވީ؟.. މަށަށް ނުކެރޭނެހެން ހީވަނީތަ؟' ޝާޒިޔާ އެހިއެވެ. 'މަށެއް ނުބުނާނަމޭ ކޮންޑޮމް ދެންގުޅެއެކޭ... މަ ބައްޕަކައިރީ އަހާނީ މީ ކޮންއެއްޗެއްހޭ.' އޭނާ ނުލަފާ ފާޑަކަށް ހިނިތުންވެލިއެވެ.

'އެ ކީއްވެ؟' އަހަރެން އެހީމެވެ. ޝަޒިޔާއަށް އޮޅުވާ ނުލެވޭނެކަން އަހަރެންނަށް އެނގުނެވެ.

'އެކީއްވެ ކޮންކަމެއް؟' ޝާޒިޔާވެސް އެހިއެވެ.

'ޝާޒިޔާ ކީއްވެ އަހަރެންގެ ވާހަކަ ބައްޕަ ކައިރީ ބުނަން ތިއުޅެނީ؟.. އަހަރެން ފަޅާއަރުވާލައިގެން ޝާޒިޔާއަށް ކޯއްޗެއް ލިބޭނީ؟' ޝާޒިޔާ އެވާހަކަތައް މޫސަބޭ ކައިރީ ނުބުނާނެ ގޮތެއް ވޭތޯ އަހަރެން މަސައްކަތް ފެށީމެވެ.

'ފަޅާއަރުވާލައިގެން އެއްޗެއް ނުލިބޭނެ.' ޝާޒިޔާ ބުންޏެވެ. 'އެކަމަކު ފަޅާ އަރުވާނުލާ އެއްޗެއް ލިބެންޏާ ފަޅާ އަރުވައެއް ނުލާނަން.'

'އެ ކޯއްޗެއް؟' އަހަރެން އެހީމެވެ.

'ހަމަގައިމުވެސް ފައުޒީއަށް ދެވޭވަރުގެ އެއްޗެއް.' ޝަޒިޔާ ލާނެއް ގޮތަކަށް ބުނެލިއެވެ.

'އަހަރެން އަތަކު ނުހުންނާނެ މާގިނަ އެއްޗިއްސެއް ދޭކަށް.' ޝަޒިޔާ އެދައްކަން އުޅެނީ ކޮންވާހަކައެއްކަން އެންގިހުރެވެސް އަހަރެން ނޭންގޭ ކަމަށް ހެދީމެވެ.

އަހރެންކައިރިން އެނދުގައި ޝާޒިޔާ އިށީންނިއެވެ. 'އަހަރެން މިދައްކަނީ ނެތް އެއްޗިހީގެ ވާހަކައެއް ނޫނޭ...' އަހަރެންގެ ފައިގެ ފަލަމަސްގަނޑުގައި އަތްލަމުން ޝާޒިޔާ ބުންޏެވެ. 'މިދައްކަނީ ފައޫ އަތުގަ ހުރި އެއްޗިހީގެ ވާހަކައޭ.'

އަހަރެން ޝާޒިޔާގެ އަތް ފޮޅުވާލީމެވެ. 'ތި ކޮންކަމެއް؟' އަހަރެން ބުނީމެވެ.

'އަފޫ ބޭނުންވަނީ ބައްޕައަށް އެނގެންތަ ނޫނީ ސިއްރުކުރަންތަ؟' އަނެއްކާވެސް އަހަރެންގެ ފައިގައި އަތްލަމުން ޝާޒިޔާ ބުންޏެވެ. އަހަރެން އިންތިހާއަށް ރުޅި އަންނަގޮތްވިއެވެ. ޝަޒިޔާގެ މޫނުމަތީގައި އެތިފަހަރެއް ޖަހާފާނަމޭ ހިތަށް އެރިއެވެ. އެކަމަކު އެހެން ހެދުމަށްފަހު އަހަރެން ގޮސް ވަންނާނީ ވަކި ކޮންތަނަކަށް ހެއްޔެވެ؟

ޝާޒިޔާ މަޑުމަޑުން އަހަރެންގެ ފައިގައި އަތް އުނގުޅަމުންގޮސް، އަހަރެން ލައިގެންއިން ސޯޓުގެ ފައިކުރީގެ އެތެރެއަށް އަތްލިއެވެ. އަހަރެން ލޯމަރާލީމެވެ. ހެދޭނޭ މާގިނަ ގޮތްތަކެއް ނެތެވެ. އެއްގޮތަކީ ޝާޒިޔާ ބޭނުން ގޮތަކަށް ކަންތައް ކުރުމަށް ފުރުޞަތު ދިނުމެވެ. އަނެއްގޮތަކީ އެގެއިން ނުކުމެގެން ދާންޖެހުމެވެ.

އަހަރެން މަޑުމަޑުން އެނދުގައި އޮށޯވެލީމެވެ.

-ނުނިމޭ-

Mamma Dharifulhu Naa Na Naa 15

'އަލުގަނޑުވެސް ދާނަން!' ސިޓިންގރޫމްގައި އިން މޫސަބޭގެ އުނގަށް އެރެމުން ޝާޒިޔާ ތުއިވެލިއެވެ. އަހަރެން ކައިރިއަށް ވަރަށް ރުޅިއައެވެ. އަހަރެން ބުފޭއަށް ދާން މޫސަބޭ ހުއްދަދިނީ ވަރަށް ހިތްހަމަ ނުޖެހިގެން ހުރެއެވެ. މާގިނަގިނައިން ބޭރަށް ތަންތަނަށް ދިއުމަކީ ރަނގަޅުކަމެއް ނޫންކަމުގައި ބުނެފައެވެ. އަހަރެން ބުފޭއަކަށް ދާވާހަކައެއް މޫސަބޭ ކައިރީ ނުބުނަމެވެ. ބުފޭއަކީ ކޮންއެއްޗެއްކަން އަހަރެންނަށް ރަނގަޅަށް ނޭންގޭތީވެސްމެއެވެ. އެހެންވެ މޫސްބޭ ކައިރީ އަހަރެންބުނީ ކްލާސް ކުއްޖެއްގެ އުފަންދުވަހުގެ ޕާޓީއަކަށް ދާވާހަކައެވެ. ބުފޭ އޮތީ ހަވީރުގަޑިގައި ކަން އެއީ ނަސީބެކެވެ. އެހެންނޫންނަމަ އަހަރެން ދާކަށް މޫސަބޭ ހުއްދައެއް ނުދިނީހެވެ. އެކަމަކު ޝަޒިޔާ އަހަންނާއެކު ދާން އުޅޭކަމަށް ވަންޏާ އަހަރެން ދިއުމާމެދުވެސް މޫސަބޭ ދެކޮޅުހަދާފާނެއެވެ.

'އުހުނ... ދަރިފުޅު ދާނެކަމެއް ނެތް!' މޫސަބޭ ބުންޏެވެ.

'ނޫން!... އަލުގަނޑު ދާނަން!' ޝާޒިޔާ ބޮޑާހާކާލިއެވެ.

'ދަރިފުޅު ދަންނަ ކުއްޖަކުވެސް އެތާ ނޫޅޭނެއެއްނު... އެހެންވީމަ ދާނެކަމެއް ނެތް.'

'ފައޫ ހުންނާނެއެއްނު!' ޝާޒިޔާ ބުންޏެވެ.

'ކޮން ފައޫއެއް؟' އަހަންނަށް ބަލާލަމުން މޫސަބޭ ބުންޏެވެ.

އަހަރެން ޝާޒިޔާއަށް ބަލާލީމެވެ.

'ފައުޒީ.' އަހަންނާ ދިމާއަށް އަތް ދިއްކޮށްލަމުން ޝާޒިޔާ ބުންޏެވެ.

މޫސަބޭ ކައިރިއަށް ހިނިއަންނަގޮތް ވިއެވެ. 'ދަރިފުޅު ކިޔަނީ ފައޫ ތަ؟'

'ދެން ބައްޕަމެން މުސްކުޅިން ކިޔާގޮތަކަށް ނޫނޭ އަލުގަނޑުމެން ކިޔަނީ.' ޝާޒިޔާ އަނެއްކާވެސް ތުއި ވެލިއެވެ.

އަހަރެންގެ ރުޅި ހައްތާ ގަދަވާގޮތް ވިއެވެ. ކޮން 'ފައޫ' އެއް ކިޔާކަށް ހެއްޔެވެ؟ ނަމަވެސް އަހަރެން އެއްވެސް އެއްޗެކޭ ނުބުނަމެވެ.

'ބައްޕާ އަލުގަނޑު ދަންތަ؟' ޝާޒިޔާ އަނެއްކާވެސް ބުންޏެވެ.

'ނޫނެކޭ ދަރިފުޅާ!...'

'ބައްޕަ އަލުގަނޑު އެއްވެސް ތަނަކަށް ނުފޮނުވާނެ!' ޝާޒިޔާ ރުޅިއައިސްގެން ވަރަށް ބާރަށްގޮސް ކޮޓަރިއަށްވަދެ ބާރަށް ދޮރުޖެހިއެވެ.

މޫސަބޭ އަހަންނަށް ބަލާލިއެވެ. 'މާ ލަސްނުވެ ގެއަށް އަންނާތި!' މޫސަބޭގެ އަޑުގައިވަނީ އަމުރުވެރިކަމެވެ.

އަހަރެން އާނއެކޭ ބުނުމުގެ ގޮތުން ބޯޖަހާލީމެވެ.

ރިލުވާނުމެން އަހަރެން ބަލާއައިއިރު ތުނިތުނިކޮށް ވާރޭ ވެހެއެވެ. އޭރު ގަޑިން ހަވީރު ހަތަރެއް ޖަހަން އުޅެނީއެވެ. އަންމަޑޭ އިނީ ސައިކަލެއްގައެވެ. ރިލުވާނު އައީ އޭނާގެ ބައިސްކަލުގައެވެ. އަހަރެން އަންމަޑޭގެ ސައިކަލު ފަހަތަށް އެރީމެވެ. އަދި މޫސަބޭއަށް އަންމަޑޭ ފެނުމުގެ ކުރިން އަވަހަށް ދާން ހިނގާށޭ ބުނީމެވެ. ނަމަވެސް އަހަރެމެންނަށް ގޯޅިން ނުނުކުމެވިގެން އުޅެނިކޮށް ޝާޒިޔާ ދޮރާށިދޮށަށް ނުކުތެވެ. އަދި އަހަރެމެން ލޯމަތިން ގެއްލެންދެން ބަލަހައްޓައިގެން ހުއްޓެވެ. އަހަރެން ކުޑަކޮށް ބިރުގަތެވެ. އަންމަޑޭ ހުންނަގޮތުން އޭނާއަކީ މަގުމަތީގައި ނުބައި އަރުވަން އުޅޭ ވަކަރުގޭ ކުއްޖެއްކަން ފެންނަ ކޮންމެ މީހަކަށް އެނގޭނެއެވެ. އަހަރެން ބިރުގަތީ ޝާޒިޔާ މޫސަބޭ ކައިރީ އަންމަޑޭގެ ވާހަކަ ބުނެފާނެތީއެވެ.

އަހަރެމެން ގޮސް މަޑުކޮށްލީ ހެންވޭރުކޮޅުގެ ހަނި ގޯޅިގަނޑެއްގެ ތެރެއަށެވެ. އަދި ސައިކަލުން ފޭބުމަށްފަހު ތިންމީހުން ހިނގާފައިގޮސް އެހެން ގޯޅިއަކަށް އެޅީމެވެ. އަންމަޑޭ ހުރީ ކުރީގައެވެ. އަހަރެންނާއި ރިލުވާނު އަންމަޑޭގެ ފަހަތުން ހިނގާފައި ދިޔައީމެވެ. އޭރުވެސް ތުނިތުނިކޮށް ވާރޭ ވެހެމުން ދިޔައެވެ.

އަންމަޑޭ ގޮސް މަޑުކޮށްލީ މުޅީން ހަދާ ނުނިމިހުރި ތިންބުރި ގެއެއްގެ ކައިރިއަށެވެ. ރިލުވާނު އެގެއަށް ބަލާލިއެވެ. އަހަރެންވެސް އެގޭގެ ތިރިން ފެށިގެން މައްޗަށް ބަލާލީމެވެ. ތިރީ ދެބުރި ހުރީ މުޅީންހެން ހަދާ ނިމިފައެވެ. ނަމަވެސް ކުލައެއް ނުލައެވެ. އެންމެ މަތީ ބުރި ހުރީ ތަނބުތައް ހެދުމަށްފަހު، ފާރުތައް ނުރާނައެވެ. އެބައިގެ ވަށައިގެން ލަކުޑި އައްޓެއް އަޅާފައި ހުއްޓެވެ. އަށީގެ ވަށައިގެން ނައިލޯނު ދަލެއް ދަމާފައި ހުއްޓެވެ.

'އޭ ޔަގީންތަ މީހަކު ނާންނާނެކަން؟' ރިލުވާނު އެހިއެވެ.

'އާނ...' އަންމަޑޭ ޖަވާބު ދިނެވެ. 'ކޭ ހާސްނުވެބެޔަ... މަންމަބުނި އަންނަ ހަފުތާގައޭ ދެން އެމީހުން މަސައްކަތް ފަށާނީ.'

'އޯކޭ... މަ ހާހެއް ނުވެޔޭ.'

އަންމަޑޭ ހީނލިއެވެ. 'މަގޭކައިރީ ދޯ ކޭ ފޭކު ޖައްސަން ތިއުޅޭނީ؟'

ރިލުވާނު އެއާ ވިއްދާ އެއްޗެކޭ ނުބުނެއެވެ.

'މިތަނުގަތަ ބުފޭ އޮތީ؟' އަހަރެން އެހީމެވެ.

އަންމަޑޭ އާއި ރިލުވާނު އެކަކު އަނެކަކުގެ މޫނަށް ބަލާލިއެވެ. އަދި ދެމީހުން އެއްފަހަރާ ހީނގަތެވެ.

'ކޭ ހީކުރީ ކޮންތާކު ކަމަށް!' އަންމަޑޭ އެހިއެވެ.

އަހަންނަކަށް ދޭނެ ޖަވާބެއް ނޭންގުނެވެ. އަހަރެން ހީކުރީ ބުފޭއޭ ކިޔަނީ ޕާރޓީގެ ވައްތަރަކަށް ކަމަށެވެ. ކުލަކުލައިގެ ނިވިދިއްލޭ ބޮކިއަލީގެ ތެރޭގައި މީހުން ނަށާ ޕާރޓީއަށް ކަމަށެވެ.

'މީ ފަޅުގެއެއްނު؟' އަހަރެން އެންމެފަހުން ބުނީމެވެ. 'އެއްވެސް މީހަކުވެސް ނެތެއްނު!'

އަނެއްކާވެސް އެދެމީހުން ހީނގަތެވެ.

'ކޭ ތީ ހަމަރަނގަޅަށްވެސް ބިކުރެއްދޯ؟' އަންމަޑޭ ބުންޏެވެ. 'ބުފޭއަކީ ކޮންއެއްޗެއްކަން ކޭއަށް މިއަދު އެނގޭނެ.'

'ކޮބާ މައުސް؟' އަންމަޑޭ ކުރެން ރިލުވާނު އެހިއެވެ.

'އެޅާ ވާނީ އެތެރޭގަ... މަ ދިޔައީ އެޅާ ޑްރޮޕަ ކޮށްލާފަ.'

'އެހެންވިއްޔާ ހިނގާ ޅާޔަކު ނާންނަނީސް ނިންމާލަން.'

'އޯކޭ!..' އަންމަޑޭ ބުންޏެވެ. 'ކޭ ގެނައިންތަ ކޮންޑޮމް.'

'ޝިޓް... މަ ހަނދާނެއް ނެތް.'

'ބައްޔެއްނު ރިލޫ... ކޭ ކައިރީ މަ އެވަރަށް ބުނީމަ ތި އައީ ނުލާ... ކޭ އަށް މަ ކިޔައިދިނީމެއްނު ކޮންޑޮމް ނުލައްވާ ތެޅީމަ ވާނެގޮތް.'

'މަށަށް އެނގެޔޭ... މަ ހަނދާން ނެތިއްޔޭ.'

އެމީހުން އެދައްކަނީ ކޮން ވާހަކައެއްކަން ޔަޤީންނުވެފައި އަހަރެން ހުރީމެވެ.

އެވަގުތު އަންމަޑެ ޖީބުން ހަތަރެސްކަން ޕެކެޓްތަކެއް ނެގިއެވެ. އަދި ރިލުވާނާއި ދިމާއަށް ހިނިތުންވެލިއެވެ. 'މަށަށް އެނގޭ ތިޅާ ނުގެންނާނެކަން.' އެއިން އެއް ޕެކެޓް ރިލުވާނަށް ދެމުން އަންމަޑޭ ބުންޏެވެ. އަދި އެއް ޕެކެޓް އަހަރެންނަށްވެސް ދިއްކޮށްލިއެވެ.

'މީ ކޯއްޗެއް؟' އަންމަޑޭ މަލާމާތް ކޮށްފާނެތީ ނާހަން ހުރެފައިވެސް އަހަރެން އެހީމެވެ.

އަންމަޑޭ ރިލުވާނަށް ބަލާލިއެވެ. އަދި ހެވިފައި ހުރެގެން މަޑުމަޑުން ބޯހޫރާލިއެވެ.

'ފަހުން އެނގޭނެ...' އަހަންނަށް ބަލާލަމުން އަންމަޑޭ ބުންޏެވެ. 'މައުސް ވަރަށަ ރަނގަޅަށް ބުނެދޭނެ ތީ ކޮންޅާއެއް ކަމާ ތިޅައިގެ ބޭނުން.'

އެއަށްފަހު އަންމަޑޭ ގޯޅީގެ ދެކޮޅު ބަލާލިއެވެ. ގޯޅީގައި އަހަރެމެން ތިންމީހުން ނޫން އެކަކުވެސް ނެތެވެ.

'އޯކޭ...' ރިލޫއަށް ބަލާލަމުން އަންމަޑޭ ބުންޏެވެ. 'މިޅައި ބަހައްޓާނީ ފުރަތަމަ މީހަކު އާދޭތޯ ބަލަން.' އަހަންނަށް އިޝާރާތޮ ކޮށްލަމުން އަންމަޑޭ ބުންޏެވެ.

'އޯކޭ...' ރިލުވާނު ބުންޏެވެ. 'ކޭ އޯކޭތަ؟' އަހަރެން ކައިރީ ރިލުވާނު އެހިއެވެ.

އަހަރެންނަށް ވާން މިއުޅެނީ ކީއްކަން ކޮންމެވެސް ވަރަކަށް ވިސްނެން ފެށިއެވެ. އަހަރެން ކުޑަކޮށް ބިރުގަންނަގޮތް ވިއެވެ. ނަމަވެސް އަހަރެން އާނއެކޭ ބުނުމުގެ ގޮތުން ބޯޖަހާލީމެވެ.

'އޯކޭ...' އަންމަޑޭ ބުންޏެވެ. 'މީހަކު އަންނަންޏާ މަޑުމަޑުން ކަރުކެހިލާ ހިނގޭ.'

އަހަރެން އަނެއްކާވެސް ބޯޖަހާލީމެވެ.

'ކޭ ބިރުންދޯ ތިހުރީ؟' އަހަރެން ބިރުގެންފައި ހުރިކަން އަންމަޑެއަށް އެނގުނެވެ. 'ފުރަތަމަ ފަހަރުވީމަ ވާނެ އެހެން.'

އަންމަޑޭއާއި ރިލުވާނު އެ ފަޅު ގޭތެރެއަށް ވަނެވެ. އަހަރެން ވާރެއިން ހިޔާވުމަށްޓަކައި އެގޭގެ މަތީބައިގެ ވަށައިގެން އަޅާވައިވާ އަށީގެ ހިޔާދަށަށް ވަނީމެވެ.

ފަސްވަރަކަށް މިނެޓް ފަހުން މަޑުމަޑު ކުކުރުންތަކެއްގެ އަޑު އިވެންފެށިއެވެ. އަހަރެންގެ ހަށިގަނޑުގައި މަޑުމަޑު ތުރުތުރެއް އުފެދުނެވެ. ބިރުގެންފައި ހުރި ނަމަވެސް އެއިވެމުންދިޔަ ކުކުރުންތަކުގެ ސަބަބުން އަހަރެންގެ އިޙުޞާސްތަކަށް އަސަރުތަކެއް ކުރުވިއެވެ. ހަނދާންތަކެއް އާވިއެވެ. އެތައް ރެއަކު ދޮންބެ އާއި ދޮންބެގެ ބައިވެރިޔާ އަހަރެންގެ ލޮލުގެ ކުރިމަތީގައި ގެން ގަނޑުގެ މަތިންނެވެ.

އަހަރެންގެ އަތުގެ އިސްތަށިތައް ކޮޅަށް ޖެހުނެވެ. އަނގައިން ކުޅުދިޔާވިއެވެ. އިރުއިރުކޮޅާ މެއަށް ފެންއެއްޗެއް އަޅާލާހެން ހީވެއެވެ. އެގޮތުގައި އެތައް އިރެއްވުމަށްފަހު ރިލުވާނު ޓީޝާޓް ލަމުންލަމުން ބޭރަށް ނުކުތެވެ.

'ކޭ ދޭ އެތެރެއަށް.' ރިލޫ ބުންޏެވެ. އަހަރެން އޭނާގެ މޫނަށް ބަލާލީމެވެ. އެމޫނުގައިވަނީ ހިތްހަމަ ޖެހުމުގެ ހިނިތުންވުމެކެވެ.

އަހަރެން އެތެރެއަށް ދާން ޖެހިލުންވިއެވެ. ބިރުންކަމެއް ނޫނީ އަހަންނަށް ކުރެވެމުން ދިޔަ އިޙުޞާސްތަކުގެ ސަބަބުން ކަމެއް ނޭންގެއެވެ.

'އަވަސް ކުރޭ!' އަހަރެންގެ ގައިގައި އަތްއަޅާ އެތެރެއަށް ކޮއްޕާލަމުން ރިލުވާނު ބުންޏެވެ. 'މީހަކު ނާންނަނީސް ނިނަމާލާފަ ދާން.'

އަހަރެން މަޑުމަޑުން އެތެރެއަށް ހިނގައިގަތީމެވެ. އެގޭގެ ސިޓިންގރޫމް ތެރޭގައި ވަނީ ލަކުޑިތަކާއި ސިމެންތި ގާތަކެވެ. ސިމެންތި ހުސްކުރި ގޯނިތަކާއި ހަރުވެފައިވާ ސިމެންތިތަކެވެ. އެއްވެސް މީހެއް ފެންނާކަށް ނެތެވެ.

'އަވަހަށް އާދޭ!' ކޭގެ ކޮޓަރިއެއް ތެރެއިން އަންމަޑޭގެ އަޑު އިވުނެވެ.

އަހަރެން މަޑުމަޑުންގޮސް، ދޮރުފަތްނުލާ ހުރި އެކޮޓަރީގެ ދޮރުމައްޗަށް އެރީމެވެ. ކޮޓަރީގެ މެދުގައި ބާއްވާފައި އޮތް ބާ ގޮދަޑިއެއްގައި އަންމަޑޭއާއި ވިއްސަކަށް އަހަރުގެ އަންހެނަކު އޮތެވެ. އަންހެންވަންތަ ވަނާތަކެއް ލިބިފައިވާ އެއަންހެންމީހާ އޮތީ ލޯމަރައިގެނެވެ. ދެމީހުންކުރެ އެކެއްގެ ހަށިގަނޑުގައިވެސް ފޭރާމެއް ނެތެވެ. އަހަރެންނަށް އެހުރި ފިޔަވަޅުމަތީ ހުއްޓެވުނެވެ.

'ކިހިނެއްވީ؟' އަހަރެން ހުއްޓުމުން އަންމަޑޭ އެހިއެވެ.

އެއަންހެން މީހާ ލޯ ހުޅުވާޅިއެވެ. އޭނާގެ ދެލޯ ބޮޑުވެގެން ދިޔައެވެ. މޫނުމައްޗަށް ހައިރާންކަން ވެރިވެގެން ދިޔައެވެ. 'އަންމަޑޭ!' އޭނާ ރާގެއްލާފައި އަންމަޑޭއަށް ގޮވާލިއެވެ. 'އެއީ ކުޑަ ކުއްޖެއްނު!'

'ނޫނޭ... އޭނަ ބަލާލާފަ ކުޑަހެން ހީވިޔަސް އަސްލު ކުޑައެއް ނުވާނެ.' އަންމަޑޭ ބުންޏެވެ. 'އެހެން ނޫނަސް ކޭ ބެލީމައެއްނު އެނގޭނީ ކުޑައްޔާ.'

'ހުމ.' އަންހެން މީހާ ބުންޏެވެ. 'ސަޅި ބިޓެއް.'

އެއަންހެމީހާ ކައިރިއަށް އައުމަށް އަތުން އިޝާރާތް ކޮށްލިއެވެ. އަހަރެން އަންމަޑޭއަށް ބަލާލީމެވެ.

'ކިހިނެއްވީ؟' އަންހެން މީހާ އެހިއެވެ.

އަހަރެން އެއްޗެކޭ ނުބުނަމެވެ. އެއަންހެން މީހާ އަންމަޑޭގެ ކަންފަތްދޮށުގައި ސިއްރު ސިއްރުން އެއްޗެކޭ ބުންޏެވެ. އަންމަޑޭގެ ތުންފަތް މައްޗަށް ހިނިތުންވުމެއް ވެރިވިއެވެ. އަދި އޭނާ މަޑުމަޑުން ތެދުވެ އެއްޗިހި ލައިގެން ބޭރަށް ނުކުތެވެ.

'ކޭއަށް ހިތަކަށް ދީފަ!' އަހަރެންގެ ކަންފަތް ކައިރިއަށް ގާތްވެލަމުން އަންމަޑޭ ބުންޏެވެ. އަދި އެއަންހެންމީހާއާއި ދިމާއަށް އެއްލޯ މަރާލިއެވެ. އެއަންހެންމީހާ ހިނިތުން ވެލިއެވެ.

'އޭ މިޅާޔަށް ކޮންޑޮމްގެ ބޭނުން ކިޔައިދެއްޗޭ.' ނުކުންނަމުން އަންމަޑޭ އެއަންހެންމީހާ ކައިރީ ބުންޏެވެ.

-ނުނިމޭ-

Mamma Dharifulhu Naa Na Naa 14

ރިލުވާނު ބުނީ ރަނގަޅަށެވެ. އަންމަޑޭ ބަލާލާފަވެސް ޖަހަނީ ޖަންކީ ވައްތަރެކެވެ. ބޯދިގުކޮށް ބޮލުގައި ހުރީ ކުލަޖައްސާފައި އެވެ. ތުނބުޅިއާއި މަތިމަސް ވަނީ ޑައިކޮށްފައެވެ. ދެލޮލުގައި ކޮންމެވެސް ވަރެއްގެ ރަތްކަމެއް ހުއްޓެވެ. އަތްދިގު ޓީޝާޓަކާއި ފަޓުލޫނެއް ލައިގެން ހުރިއިރުވެސް އޭނާހުރި ހީކަރުވައިގެންފަހެއް އަހަރެންނަށް ހީވިއެވެ. ކަރުގައި ކަޅުކުލައިގެ ފަށެއް އަޅާފައި އޮތެވެ. ފަށުގެ ފުލުގައި ޞަލީބެއް ފާޑުގެ އެއްޗެއް އޮތެވެ. ނަމަވެސް އެއީ ކޮން އެއްޗެއް ކަމެއް އޭރަކު އަހަރެންނަކަށް ނޭންގުނެވެ. އައްމަޑޭގެ އަތުގައި ރިހިކުލައިގެ ޗޭނުގަނޑެއް އޮޅާލާފައި އޮތެވެ. އެއްކަންފަތުގައި ރިހި ބޮޅޭއްލާފައި އިނެވެ. މިހުރިހައިކަމަކުން އަންމަޑޭގެ މިޒާޖު ހުނަނާނެގޮތް ދެނެގަންނާކަށް އަހަރެންނަށް މާ އުނދަގުލެއް ނުވިއެވެ. ނަމަވެސް މީހަކު ހުންނަ ސިފަޔަކުން މީހެއްގެ ޙަޤީޤަތް ނޭނަގޭނެކަން އަހަރެންނަށް އެނގެއެވެ.

'މިޅައި މިހެން ހުއްޓަސް ވަރަށް ރަނގަޅުވާނެ!' އަންމަޑޭއާއި އަހަރެން އެކަކު އަނެކަކަށް ތަޢާރަފުކޮށް ދިނުމަށްފަހު ރިލުވާނު ބުންޏެވެ. އަދި އަންމަޑޭ ގްރޭޑް އަށެއްގައި އުޅެނިކޮށް ޓީޗަރެއްގައިގާ ޖެހުމުގެ ސަބަބުން ސްކޫލުން ވަކިކުރީކަމާއި އޭގެފަހުން ކިޔެވުމާއި މުޅިން ވަކިވީ ކަމުގައި ކިޔައިދިނެވެ.

'އެޅާ ފުނޑާލާފަ އޮންނާނީ!' އެޓީޗަރުގެ ކިބައިން ބަދަލުހިފިވާހަކަ އަންމަޑޭ ފަޚުރުވެރިކަމާއިއެކު ބުނެލިއެވެ. 'އެޅާ މަސްދުވަސް ވަންދެން އޮތް ހޮސްޕިޓަލުގަ.'

އަންމަޑޭ އަހަރެންނަށްވުރެ ތިން އަހަރު ބޮޑެވެ. އަދި އަހަރެންނަށް އެދުވަހު އެނގުނު ގޮތުގައި ރިލުވާނާއި އަންމަޑޭ އަކީ ކުރިން އެއްކުލާހެއްގައި އުޅުނު ދެމީހުންނެވެ. އޭނާ މަޖީދިއްޔާ ގްރޭޑް އަށެއްގައި ތިން އަހަރު ރިޕީޓްވުމުން ސްކޫލުން ކަޑާލީއެވެ.

އަންމަޑޭ ޖީބުން ސިނގެރޭޓް ފޮއްޓެއް ނެގިއެވެ. އަދި އެއިން ސިނގެރޭޓެއް ނަގާ އަހަންނަށް ދިއްކޮށްލިއެވެ. އޭރު އަހަރެމެން އަދި ބައިސްކަލު ދުއްވާކަށް ނުފަށަމެވެ. ހެންވޭރުކޮޅުން ތޮށިގަނޑުމަތީ އިށީންދެލައިގެން ތިބީއެވެ.

'މަ ނުބޮން ސޮގެރެޓެއް!' އަހަރެން ބޯ ހޫރާލަމުން ބުނީމެވެ.

އަންމަޑޭ އާއި ރިލުވާނު ސިގެރޭޓް ބޯންފެށިއެވެ.

'ބައްޔެއްނު ރިލޫ... ކޭ ބަސްއަހާ ކުޑަކުއްޖެއް ގޮވައިގެންތަ ތިއުޅޭނީ އައިސް... ތިކަން އެނގޭނަމަ މަ ނުވެސް އަންނާނަން.' އަންމަޑޭ ބުންޏެވެ.

'ނޫނެކޭ... އެޅައި ތަންކޮޅެއް އަލީޔޭ!' ރިލުވާނު ބުންޏެވެ. އެމީހުން ދައްކާ ވާހަކަ ކޮންމެހެން މަށަށް އަޑު ނުއިއްވާކަށް އެމީހުން މަސައްކަތެއް ނުކުރެއެވެ.

'ކޮބާ ޕުލްއެއް ޖަހާލަބަލަ!' އަހަންނަށް ސިނގެރޭޓް ބުރި ދިއްކޮށްލަމުން އަންމަޑޭ ބުންޏެވެ.

އަހަރެން ނޫނެކޭ ބުނުމުގެ ގޮތުން ބޯހޫރާލީމެވެ. މޫސަބޭ އަހަރެން ފޮނުވީވެސް ވަރަށް ނަޞޭޙަތް ދީފައެވެ. އަހަރެން ގޯސްމަގަކުން ނުދާނެކަމަށް އިތުބާރުކުރާކަމަށް ބުނެފައެވެ. އަހަރެން އެ އިތުބާރު ގެއްލުވާލާކަށް ބޭނުމެއް ނުވެއެވެ.

'ދެން ކޮންއިރަކުން ބައިސްކަލު ދުއްވަނީ!' ކަނޑާދިމާއަށް ފުރަގަސްދީގެން ތިބިއިރު އަހަރެމެންގެ ކުރިމަތީގައި ހުރި ބައިސްކަލުތަކަށް ބަލާލަމުން އަހަރެން ބުނީމެވެ.

'ބައިސްކަލު ދުއްވަން ދަސްކޮށްދެވޭނީ ގޮތެއްގެ މަތިން!' އަންމަޑޭ ބުންޏެވެ.

އަހަރެން އަންމަޑޭގެ މޫނަށް ބަލާލީމެވެ.

'އަހަރުން ބާއްވާ ބުފޭ އަކަށް ކޭ އަންނަ މަތިން!'

'އެ ކޯއްޗެއް ބުފޭ އަކީ؟' އަހަރެން އެހީމެވެ.

އަންމަޑޭ ހީނގަތެވެ. 'ކޭ ތީ ބިކުރެއް ދޯ؟'

އަހަންނަކަށް ބިކުރަކީ ކޯއްޗެއްކަމެއްވެސް ނޭންގެއެވެ. އެކަމަކު އަހަރެން އެކައްޗެކޭވެސް ނުބުނެ މަޑުން އިނީއެވެ.

'ބަލާއެއްނު އަންމަޑޭ!' ރިލުވާނު މުއްކަވާލާފައި އަންމަޑޭގެ ކޮނޑުގައި މަޑުމަޑުން ޖަހާލަމުން ބުންޏެވެ. 'ފިރިހެނުންގެ ބިކުރު ހުރޭތަ!'

'އާނ!' އަންމަޑޭ މަށާދިމާއަށް ބަލާލިއެވެ. 'ކޭ ބިޓެއް ހުރޭތަ؟'

އަހަރެން ބޯހޫރާލީމެވެ.

'އަންހެން ޅާއެއްގެ އޮރިޔާން ދެކުނިންތަ؟'

އަހަރެން އަޒޫ މަތިން ހަނދާންވިއެވެ. އަދި އާނއެކޭ ބުނުމުގެ ގޮތުން ބޯޖަހާލީމެވެ.

'އާނ.. އެބަ ރަނގަޅުވޭ.' އަންމަޑޭ ހެވިފައި އިނދެގެން ބުންޏެވެ. 'ސަޅި ޅާއެއްތަ؟'

އަހަރެން އަނެއްކާވެސް ބޯޖަހާލީމެވެ.

'ކޭ ތަޅާލިންތަ؟'

އަހަރެން ބޯ ހޫރާލީމެވެ.

'ބައްޔެއްނު!' އަންމަޑޭ ދެބުމަ ގޮށްޖަހާލަމުން ބުންޏެވެ.

'އޭ އަހަރެން ދޮންބެގެ ބިޓު.' އަހަރެން ބުނީމެވެ.

'އެހެންތަ؟' އަންމަޑެ ހީނގަތެވެ. 'ކޭ ވަގަށް ބެލީ ދޯ!'

އަހަރެން ޖަވާބެއް ނުދެމެވެ. އިތުރަށް އެވާހަކަ ދައްކާކަށް އަހަރެން ބޭނުމެއް ނުވިއެވެ.

'ކޭ އަންނާނަންތަ ބުފޭއަށް؟' އަންމަޑޭ އެހިއެވެ.

އަހަރެން ދާކަށް ބޭނުމެއް ނުވެއެވެ. އެކަމަކު ބައިސްކަލު ދުއްވަން ދަސްކުރަން އަހަރެން ބޭނުންވިއެވެ. އަހަރެން ބުފޭއަށް ދާން އެއްބަސްވީ އެހެންވެގެންނެވެ. އެއީ ކޮން އެއްޗެއްކަން ނުވެސް އެނގިހުރެއެވެ.

އަންމަޑޭއާއި ރިލުވާނާ ދެމީހުންވެގެން އަހަރެންނަށް ބައިސްކަލު ދުއްވަން ދަސްކޮށްދޭން ފެށިއިރު މަޖީދިއްޔާއެ ކެޑޭޓް ކުދިން އެތަނުގައި ކެޑޭޓް ޕްރެކްޓިސްއަށް ގޮސް އުޅެއެވެ. އަހަރެން ބައިސްކަލަށް އަރަންދެން ދެމީހުން ބައިސްކަލުގައި ހިފަހައްޓާއިގެން ތިބެއެވެ. އަދި އަހަރެން ތުރުތުރު އަޅަމުން ބައިސްކަލު ދުއްވާއިރު ބައިސްކަލުގެ ދެފަރާތުން މަޑީގައި ހިފަހައްޓާއިގެން އެމީހުން އަހަރެންނާ އެއްވަރަށް އާދެއެވެ. އެގޮތަށް ދެތިން ފަހަރަކު ހެދުމަށްފަހު، އަހަރެން ކުޑަކޮށް ފަރިތަވެލުމުން، އަހަރެން ބައިސްކަލު ރަނގަޅަށް ދުއްވާލުމުން އެމީހުން މަޑިން ދޫކޮށްލަންފެށިއެވެ. އަހަރެން ދެތިން ފަހަރަކު ބައިސްކަލާއެކު އެއްޓުނެވެ. އެއްފަހަރަކު ވަރަށް ބާރަށް ވެއްޓުމުން އެތަނުގައި ތިބި ކެޑޭޓް ކުދިންތައް ހީނގެންއަޑު އިވުނެވެ. އަހަރެންނަށް އެމީހުންނާ ދިމާއަށް ބަލާލެވުނެވެ. އެވަގުތު އަހަރެންގެ ހިތް ބާރުބާރަށް ތެޅިގަތެވެ. އެކުދިންތަކުގެ ތެރޭގައި، ހައިރާންވެފައިވާ ނަޒަރަކުން އަހަރެންނާ ދިމާއަށް ބަލަހައްޓައިގެން ތުއްތުބޭ ހުއްޓެވެ.

އަހަރެން އިންތަނުން ތެދުވަންވެސް ނޭންގިފައި އިނީމެވެ. ރިލުވާނުމެން އައިސް އަހަރެން ކޮޅަށް ނެގިއެވެ. އޭރުވެސް އަހަރެން ހުރީ ތުއްތުބޭއާއި ދިމާއަށް ބަލަހައްޓައިގެނެވެ. އެވަގުތު ކޮމާންޑެއްގެ އަޑު އިވުމާއެކު ތުތްތުބޭ އަހަންނަށް ފުރަގަސްދީ ސަމާލަށް އައެވެ. އަހަރެން ގައިން ވެލި ފޮޅާލީމެވެ. އުޅަނބޮށިން ތަންގަނޑެއް މަށައިގެން ގޮސްފައިވާކަން އެނގުނީވެސް ދެނެވެ. އިރުކޮޅަކުން ކެޑޭޓްކުދިންތައް މާޗް ކޮށްފައިގޮސް އޮބާލައިފިއެވެ.

އެދުވަހު ދެން އިތުރަށް ބައިސްކަލު ދުއްވަން ދަސްކުރާކަށް އަހަރެން މަސައްކަތެއް ނުކުރަމެވެ. އަންމަޑޭ، ބުފޭއަށް ދިއުމަށް އަހަރެން އެއްބަސް ކުރުވިއެވެ. އަހަރެންގެ ގެ ހުންނަތަން އޮޅުން ފިލުވިއެވެ. އަދި ބަލާ އަންނާނެކަމުގައިވެސް ބުންޏެވެ. އަހަރެން ފޮނުވާކަށް މޫސަބޭ ހިތްހަމައެއް ނުޖެހޭނެކަން އަހަރެންނަށް އެނގެއެވެ. ބައިސްކަލު ދުއްވަންދާންވެސް ހުއްދަ ދިނީ ވަރަށް ނުދޭން އުޅެފައެވެ. އަހަރެން ގޯސް މަގަކުން ހިނގައިދާނެތީ ބިރުގަންނަނީ ކަންނޭންގެއެވެ.

އަހަރެން އެކަނިން ގެއާދިމާއަށް ހިނގާފައި ދިޔައިރު މީހަކު ފަހަތުން އަންނަކަމުގައި ހިވާންފެށިއެވެ. އަހަރެން ހިނގުން ތަނކޮޅެއް ބާރުކޮށްލީމެވެ. ނަމަވެސް އަދިވެސް އެމީހަކު ފަހަތުން އަންނަހެން ހީވަމުން ދިޔައެވެ. އެންމެފަހުން އަހަރެން ފަސްއެނބުރި ބަލާލީމެވެ. އޭރު ޝަހޫދައްތަ އަހަރެންގެފަސްފަހަތުން ހިނގާފައި އާދެއެވެ. އަހަރެން ކުރިއަށްވުރެވެސް ހިނގުން ބާރުކޮށްލީމެވެ.

'ފައުޒީކޮއްކޯ!' ޝަހޫދައްތަ ގޮވާލިއެވެ. 'މަޑުކޮށްބަލަ!'

ކީއްވެގެން ކަމެއް ނޭންގެއެވެ. އަހަރެން ހުރިފިޔަވަޅު މަތީ ހުއްޓުނީމެވެ. ނަމަވެސް ފަސްއެނބުރި ބަލައެއް ނުލަމެވެ.

'ޝަހޫދައްތަ ދެކެ ރުޅިއައިއްސަތަ؟' އަހަރެންނާ އަރާ ހަމަކުރަމުން ޝަހޫދައްތަ ބުންޏެވެ. އަދި އަހަރެންގެ ކުރިމަތީ ހުއްޓުނެވެ.

އަހަރެން ހުރީ އިސްޖަހައިގެންނެވެ. ޝަހޫދައްތައާއި ދިމާއަށް ބަލާލައިފިނަމަ އަހަރެންނަށް ރޮވޭނެކަން އެނގޭތީއެވެ.

'އެނގޭ ފައުޒީކޮއްކޮ ތިހުރީ ޝަހޫދައްތަ ދެކެ ރުޅި އައިއްސަކަން.' އަހޫދައްތަ ހިތާމަވެރި ރާގެއްގައި ވާހަކަ ދެއްކިއެވެ. 'އެނގޭ ކީއްވެކަންވެސް... ފައުޒީކޮއްކޮ ހީކުރަނީ ޝަހޫދައްތަ ފައުޒީކޮއްކޮ މަތިން ހަނދާން ނައްތާލީ ކަމަށްދޯ؟... އެކަމަކު ޝަހޫދައްތަ ހަނދާން ނައްތައެއް ނުލަމޭ!... ޝަހޫދައްތަ ކޮންމެ ދުވަހަކުވެސް، ކޮންމެ ރެއަކުވެސް ފައުޒީކޮއްކޮ މަތިން ހަނދާން ކުރަން... އެކަމަކު ފައުޒީކޮއްކޮގެ މަންމަ އެއްގޮތަކަށްވެސް ނުރުހޭ ޝަހޫދައްތަ ފައުޒީ ކޮއްކޮއާއި ވާހަކަ ދައްކާކަށްވެސް، ގުޅާކަށްވެސް... ޝަހޫދައްތަ އުޅުނިން ގުޅަންވެގެން އެރަށު ފޯނުނަންބަރު ހޯދަންވެސް... އެކަމު ނަމްބަރު އަހާލުމުން ފައުޒީކޮއްކޮގެ މަންމަ ޝަހޫދައްތައަށް ވަރަށް އެއްޗިހިކީ...' ޝަހޫދައްތަގެ އަޑު ބެދުނެވެ.

އަހަރެން ޝަހޫދައްތަގެ މޫނަށް ބަލާލީމެވެ. އެވަގުތު ޝަހޫދައްތަގެ ފެންކަޅިވެފައިވާ ދެލޯފެނުމުން އަހަރެންގެ ހިތަށް ވަރަށް އަސަރު ކުރިއެވެ. އެއްވެސް ހިފެހެއްޓުމެއްނެތި ހޯސްލާފައި ލޮލުން ކަރުނަތައް ފައިބައިގަތެވެ. އަހަރެން ޝަހޫދައްތަގެ ގައިގައި އޮޅުލައިގަތީމެވެ. ޝަހޫދައްތަ އަހަރެންގެ ބުރަކަށީގައި ފިރުމާލިއެވެ. އަހަރެން ޝަހޫދައްތަގެ ގައިގައި ބައްދައިގަނެގެންހުރެ ރޮމުން ގެންދިޔައީމެވެ. މަގުމަތިން ހިނގާފައި ދިޔަ މީސްމީހުން އަހަރެމެންނާ ދިމާއަށް ބަލަމުން ދިޔަކަންވެސް އަހަރެންނަށް ފާހަގަވީ އިރުގަނޑެއް ފަހުންނެވެ. އެމީސްމީހުންގެ މޫނުމަތިން 'މީ ކޮންކަމެއް ހޭ' ބުނާކަހަލަ އަސަރުތަކެއް ހާމަވިއެވެ.

ނަމަވެސް އަހަރެން ޝަހޫދައްތަގެ ގައިން ދޫކޮށްލާކަށް ބޭނުމެއް ނުވިއެވެ.

'މީހުންތައް އެއޮށް ބަލަނީ!' ލޮލުން ކަރުނަތައް ފުހެލަމުން ޝަހޫދައްތަ ބުންޏެވެ. އަދި އަހަރެންގެ ދެކޮނޑުގައި ހިފާ ޝަހޫދައްތައާއި ކުޑަކޮށް ދުރުކޮށްލިއެވެ. އަހަރެން ފަހަތަށް އެނބުރިލުމަށްފަހު ބަލާލީމެވެ. އޭރު ތަންކޮޅެއް ދުރުގައި ދެތިން މީހަކު އަހަރެމެންނަށް ބަލަހައްޓައިގެން ތިއްބެވެ.

'ހިނގާ މިތަނުން އަވަހަށް ދާން.' އަހަރެންގެ އަތުގައި ހިފައިގެން ހިނގައިގަންނަމުން ޝަހޫދައްތަ ބުންޏެވެ. އަހަރެންވެސް ދެލޯ ފުހެލުމަށްފަހު ޝަހޫދައްތައާއި އެއްވަރަށް ހިނގައިގަތީމެވެ.

'ޝަހޫދައްތައަށް ކިހިނެއް އެނގުނީ އަހަރެން މާލެއައިކަން؟' ހިނގާފައި ދަމުން އަހަރެން އެހީމެވެ.

'ނަޒީދައްތަ ފޯނުކޮށްފަ ބުނީ.' ޝަހޫދައްތަ ބުންޏެވެ.

އަހަރެން ޔަޤީން ނުކުރެވިގެން ޝަހޫދައްތަގެ މޫނަށް ބަލާލީމެވެ.

'ކިހިނެއްވީ؟' ޝަހޫދައްތަ އެހިއެވެ. 'ޔަޤީން ނުކުރެވުނީ ދޯ؟'

އަހަރެން ޖަވާބެއް ނުދެމެވެ.

'ނަޒީދައްތަ ޝަހޫދައްތަ ދެކެ ކިތަންމެ ރުޅި އަޔަސް، ފައުޒީ ކޮއްކޮ ދެކެ ވަރަށް ލޯބިވޭ... އެހެންވެ، ނުވެސް ދަންނަ ބައެއްގެ ކައިރިއަށް ކިޔަވަން އައިކަން ނަޒީދައްތަ އަށް އެނގުނީމަ ޝަހޫދައްތައަށް ގުޅާފަބުނީ ފައުޒީކޮއްކޮއަށް ވާނުވާ ބަލައްޗޭ.'

އަހަރެން ވިސްނާލީމެވެ. މިދެ ދައްތައާއިމެދު އަހަރެންނަށް މިއޮއް ހުރިހައި ދުވަހު މިކުރެވުނީ ކިހައި ބޮޑު ކުށްހީއެއް ހެއްޔެވެ؟ އަހަރެންގެ އަސްލު މަންމައާއި ޚިލާފަށް އެދެދައްތަވެސް އަހަރެންދެކެ އިންތިހާއަށް ލޯބިވެއެވެ. މަންމަ ކިހާ ގޯސް ހެއްޔެވެ؟ މަންމަ އަހަރެންދެކެ ލޯބިނުވާތާނގައި އެހެންމީހަކުވެސް އަހަރެންނަށް ހަމްދަރުދީވެ، ލޯބިވާކަށް ނޭދެއެވެ. ރަޙުމުގެ ލޮލަކުން ބަލާލާކަށް ނޭދެއެވެ.

-ނުނިމޭ-

Mamma Dharifulhu Naa Na Naa 13

ޝަހޫދައްތަ ފެނުމުން އަހަރެންނަށް ހުރިފިޔަވަޅު މައްޗަށް ހުއްޓެވުނެވެ. ޝަހޫދައްތަ ހިނިތުންވެފައި ބަލަހައްޓައިގެން ހުއްޓެވެ. މަޑު ވައިލެޓް ކުލައިގެ ޓޮޕަކާ ކަޅުކުލައިގެ ބެލްސެއް ލައިގެން، އިސްތަށިގަނޑު ނިއުޅުވާލައިގެން ހުރިއިރު، ޝަހޫދައްތަ ކުރިއަށްވުރެ މާ ރީތިކަން އަހަންނަށް ފާހަގަ ކުރެވުނެވެ. ބައްޓަންގަނޑުވެސް ކުރިއަށްވުރެ އަންހެންވަންތައެވެ.

ޝަހޫދައްތަ ލެނގިލައިގެންހުރި ފާރުކައިރީގައި މެދުއުމުރުގެ އެހެން އަންހެނަކު ހުއްޓެވެ. އޭނާވެސް ހުރީ އަހަރެންނަށް ބަލަހައްޓައިގެންނެވެ. ނަމަވެސް އަހަރެން އެ އަންހެންމީހާއަށް މާބޮޑު ސަމާލުކަމެއް ނުދެމެވެ.

އަހަރެން ކުރިއަށް ހިނގައިގަތީމެވެ. ޝަހޫދައްތަވެސް އަހަރެންނާ ދިމާއަށް ހިނގައިގަތެވެ. އަހަރެން ކަޅިޖަހާވެސްނުލާ ބަލަހައްޓައިގެން ހުރެގޮސް ޝަހޫދައްތައާ އަރާ ހަމަކުރީމެވެ. ނަމަވެސް އަހަރެން މަޑެއް ނުކުރަމެވެ. ޝަހޫދައްތަ ކައިރިން އަޅާފައި ކުރިއަށް ދިޔައީއެވެ. ޝަހޫދައްތައަށް ހުއްޓުން އެރިކަން އަހަރެންނަށް އެނގުނެވެ. ނަމަވެސް އަހަރެން އަޅައެއް ނުލަމެވެ. ފަހަތް ބަލާވެސްނުލާ ހިނގަމުން ދިޔައީމެވެ.

'ފައުޒީކޮއްކޯ!' ޝަހޫދައްތަ ގޮވާލިއެވެ.

އަހަރެން ކުރިއަށްވުރެ ހިނގުން ބާރުކޮށްލީމެވެ. ޝަހޫދައްތައާއި ވާހަކަ ދައްކަން އަހަރެން ބޭނުމެއް ނުވިއެވެ. އަހަރެން ރަށަށް ދިއުމުން ޝަހޫދައްތަ އަހަރެން މަތިން ހަނދާން ނައްތާލީތީއެވެ.

'އެއީ ކޮންޅާއެއް؟' ބާރު ބާރަށް ހިނގާފައި އައިސް އަހަރެންނާ އަރާ ހަމަކުރުމަށްފަހު ރިލުވާނު އެހިއެވެ. ރިލުވާނަކީ ކުލާހުގައި އަހަރެންނާ ޖެހިގެން އިންނަ ކުއްޖާއެވެ. ސްކޫލަށް ދާންފެށިތާ މިވީ މަދުދުވަސްކޮޅުގެ ތެރޭގައި އަހަންނަށް ލިބުނު ހަމައެކަނި ރަޙުމަތްރެރިޔާއެވެ.

'ކޮބާތަ؟' އަހަރެން ނޭނަގޭ ކަމަށް ހަދާފައި އެހީމެވެ.

'އެތާ ކޭއާ ދިމާއަށް ބަލަހައްޓައިގެން އެހުރީނު ފާޑެއްގެ އަންހެންޅާއެއް.'

'އަހަރެން ފަހަތަށް އެނބުރި ބަލާލީމެވެ. އޭރު ޝަހޫދައްތަ ފެންނާކަށް ނެތެވެ. 'ކޮބާތަ؟' އަހަރެން އަނެއްކާވެސް އޮޅުވާލުމުގެ ގޮތުން ބުނީމެވެ.

ރިލުވާނުވެސް ފަހަތަށް އެނބުރި ބަލާލިއެވެ. 'މިހާރު ނެތް.' އަހަންނަށް ބަލާލަމުން ރިލުވާނު ބުންޏެވެ. 'ނުދެކެން ތަ؟.. މަހީކުރީ އޭޅާ ފެނިގެންކަމަށް ކޭ ތިހައި ބާރަށް ހިނގާފަ ތިދަނީ.'

'ނޫން... މަށެއް ނުދެކެން... މިއަދު އެކަނި ގެއަށްދާން ޖެހޭތީ އެހެންވެ އަވަހަށް ގެއަށް ދާންވެގެން މިދަނީ.' އަހަރެން އެއްގޮތަކަށްވެސް ޝަހޫދައްތަގެ ވާހަކަ ރިލުވާނު ކައިރީ ދައްކާކަށް ބޭނުމެއް ނުވިއެވެ. 'މިއަދު އަދި މަސް ގަންނަންވެސް ދާންޖެހޭނެ.'

'ބައްޔެއްނު... ކޭތަ ތިގެއަށް މަސްވެސް ގަންނަނީ؟' ރިލުވާނުގެ ވާހަކަދެއަކުން ހުންނަގޮތާމެދު އަހަރެން އެހާ ހިތްހަމައެއް ނުޖެހެއެވެ. އެކަމަކު އެކަމަކާ ގުޅޭގޮތުން އަހަރެން އެއްވެސް އެއްޗެކޭ ނުބުނަމެވެ. އެއީ އޭނާގެ އަމިއްލަ ކަމަކަށް ވާތީއެވެ.

'އާނ... ކީއްތަވީ؟' އަހަރެން އެހީމެވެ.

'ތިގޭގަ ނޫޅޭތަ އެހެންމީހަކު؟'

'މަށަކީއޭ ތިބުނާ 'އެހެން މީހާ' އަކީ... ދެން އުޅޭނީ އެފެމެލީގެ މީހުން އެކަނި.' އަހަރެން އޮޅުންފިލުވައިދިނީމެވެ. 'އެހެންނޫނަސް މަހެއް ގަނެލަން ދިއުން މަށަށް އެހައި ބޮޑު ކަމަކަށް ނުވޭ.'

'މޮއްގަނޑުގަތަ ދަނީ؟'

ރިލުވާނު އެ ބުނީ ކީކޭ ކަމެއް އަހަރެންނަކަށް ނޭންގުނެވެ. 'ކީކޭ.' އަހަރެން ރިލުވާނަށް ބަލާލަމުން އަހާލީމެވެ.

ރިލުވާނު ހީނގަތެވެ. 'ކޭ ތީ ކޮން ޒަމާނެއްގެ އެއްޗެއް؟..ތީ ޑައިނަސަރއެއްތަ؟... މޮއްގަނޑުގެ މާނައަކީ ހިނގާފަހޭ!'

އަހަރެން ކުޑަކޮށް ހިތްހަމަ ނުޖެހޭގޮތް ވިއެވެ. ނަމަވެސް އެކަން އޮއްބާލާފައި ޖަވާބުދިނީމެވެ. 'އާނ... ހިނގާފަދަނީ... އެކަމު މޫސަބޭ ގަދަވެ އުޅެންޏާ އޭނައާއެކު ސައިކަލުގަ ދަނީ.'

'މޫސަބޭ ކައިރީ ބުނަންވީނު ބައިކެއް ހޯދަދޭށޭ... ތިގެ ހުންނަނީ މާރުކޭޓާ ވަރަށް ދުރުގައެއްނު.'

'މަށަކަށް ނޭންގޭ ބައިސްކަލު ދުއްވާކަށް.'

ރިލުވާނު އަނެއްކާވެސް ހީނގަތެވެ. 'އަމާ ބަނޑުތޯއްޗެއް!... ކޭ އަށް ބައިކު ދުއްވަންވެސް ނޭންގޭ؟'

އަހަރެން ކައިރިއަށް ހަމަ ރަނގަޅަށްވެސް ރުޅިއަންނަގޮތް ވިއެވެ. އަދި އަނގައިންވެސް ނުބުނެ ހިނގުން ބާރުކޮށްލީމެވެ.

އަހަރެން ހިތްހަމަ ނުޖެހުނުކަން ރިލުވާނަށް އެނގުނެވެ. އޭނާ ވެސް ހިނގުން ބާރުކޮށްލިއެވެ. 'ކޭ ރުޅިއައީތަ؟' އޭނާ ހެވިފައި ހުރެގެން އެހިއެވެ. 'ސޮރީ!'

އަހަރެން ޖަވާބެއް ނުދެމެވެ. އަހަރެން ބޭނުންވީ އަވަހަށް ގެއަށް ދާށެވެ.

'މަ ދަސްކޮށްދީފާނަން ކޭ އަށް ބައިކް ދުއްވަން!' ރިލުވާނު ބުންޏެވެ.

އަހަރެން ހިނގުން މަޑުކޮށްލީމެވެ އަދި ރިލުވާނުގެ މޫނަށް ބަލާލީމެވެ.

'ސީކޮށް.'

'ކިހިނެއް؟' އަހަރެން އެހީމެވެ.

'އަހަރުން ގޭގަ ހުންނާނެ ދެ ބައިކް... މަގޭ ބައިކާ މަ ބޭބެގެ ބައިކް... ބޭބެޅާ މިހާރު އުޅެނީ ސައިކެއްގަ.'

'ދެން ކީއްވެ ހިނގާފަ ސްކޫލަށް އަންނަނީ؟' އަހަރެން އެހީމެވެ.

'އަހަރުންގެ ހުންނަނީ މިތާ ކައިރީ... ޖޭއެސް ކައިރީ.' ރިލުވާނު އޮޅުންފިލުވައިދިނެވެ. 'ބައްޕަގެ ބަލާޔާހެދި ބައިކްގަ ސްކޫލަށް އާދެވޭކަށް ނޯވޭ... މަނާކޮށްފަ އޮންނަނީ.'

'ދެން ކިހިނެއް ދަސްކޮށްދޭ ވާހަކަ ތިބުނީ؟.. ބައްޕަ މަނާކޮށްފަ އޮންނަންޏާ؟'

'ބައިކްގަ ސްކޫލަށް އައުމޭ މަނާކޮށްފަ އޮންނަނީ.، ރިލުވާނު ބުންޏެވެ. 'ފުރައިޑޭ މޯނިންގ ގަ ދާންވީނު!'

'ހުމ.'

'ކޭ އަށް ދެވޭނެތަ އަނެއްކާ؟.. މޫސަބޭ އޯކޭވާނެތަ؟'

'ހީވަނީ އޯކޭވާނެހެން... މޫސަބޭ ވަރަށް ރަނގަޅުވާނެ.'

'އަހަރެމެން ގެކައިރީ އުޅޭ އަންމަޑޭ ވެސް ގޮވައިގެން ދާނީ... އެޅައި ވަރަށް މަޖާވާނެ.' ރިލުވާނު ވަރަށް ފޯރިއާއެކު ބުންޏެވެ. 'ވަރަށް ބަލާވެސް ބޮޑުވާނެ... އެޅާޔާ ޖެހިފަ މަ ނުވާނެ ކެހަކަށްވެސް.'

އަހަރެން ކުޑަކޮށް ޖެހިލުންވާގޮތް ވޮއެވެ. ރިލުވާނަށްވުރެ ކަންތައްގަނޑު ބޮޑު މީހަކު އެނގިދެނިވެ އުޅުމާމެދުއެވެ. ނަމަވެސް ބައިސްކަލު ދުއްވަން ދަސްކުރަން އަހަރެން ބޭނުންވިއެވެ. އަދި އެކަން އެންމެ ފަސޭހައިން ވާން އޮތީ ރިލުވާނުގެ ފަރާތުންނެވެ.

'އެހެންވީމަ އޯކޭ... ކޭ އަށް ދަރުބާރުގެ ފުރަގަހަށް އަންނަން އެނގޭނެ ދޯ؟'

'އާން.' އަހަރެން ބޯޖަހާލަމުން ބުނީމެވެ.

'އޯކޭ... އެހެންވީމަ ސިކްސް ގަ... އަހަރެމެން ތިބޭނަން އެތާ.'

******************

އަހަރެންނަށް ގެއާހަމަޔަށް ދެވުނު އިރު، ޝަޒިޔާ ގޮވައިގެން ސައިކަލުގައި އައިސް އަޙުމަދު ގެކައިރިއަށް މަޑުކޮށްލަނީއެވެ.

'ފައުޒީ...!' ޝާޒިޔާ ވަރަށް ދިގުކޮށް އަހަރެންނަށް ގޮވާލިއެވެ. އަހަރެން ހިނިތުން ވެލީމެވެ. އަދި އަޙުމަދަށް ބަލާލީމެވެ. އަޙުމަދު އިނީ ފާޑަކަށް ހެވިފައެވެ.

'މިގެންގޮސް ދީބަލަ ނާހިދާ އަތަށް.' ސައިކަލުގެ ހުނަގާނުގައި އަޅުވާފައިއިން ކޮތަޅެއް ނަގާ އަހަރެންނަށް ދިއްކޮށްލަމުން އަޙުމަދު ބުންޏެވެ. އަހަރެން ކޮތަޅުގައި ހިފީމެވެ. އޭރު ޝާޒިޔާ ގޭތެރެއަށް ވަދެގެން ހިނގައްޖެއެވެ. 'ފްރައިޑޭ ފަތިހު މަސްބާނަން ދާން މިއުޅެނީ ތޮށިގަނޑު މައްޗަށް... އީއްކޮ ގޮވައިގެން... ދާނަންތަ؟' ސައިކަލު އަނބުރާލަމުން އަޙުމަދު ބުންޏެވެ.

އީމާން އަކީ އަޙުމަދުގެ ހަތަރު އަހަރަށްދާ ދަރިފުޅެވެ. ލޯބިން އީއްކޮ ކިޔަނީއެވެ.

އަހަރެންނަށް ޖަވާބެއްދޭން އުނދަގޫވިއެވެ. ބައިސްކަލު ދުއްވަންދާން އޮތީވެސް ހުކުރު ދުވަހު ހެނދުނު ކަމަށް ވީމައެވެ.

'ކިހިނެއްވީ؟' އަޙުމަދު އެހިއެވެ.

'މަ ރައްޓެހި ކުއްޖަކާއެކު ފްރައިޑޭގަ ބައިސްކަލު ދުއްވަން ދަސްކުރަން ދާން މިއުޅެނީ.' އަހަރެން ޖަވާބު ދިނީމެވެ.

'އެހެންތަ؟.. ބައިސްކަލު ދުއްވާކަށް ނޭންގޭތަ؟'

އަހަރެން އާނއެކޭ ބުނުމުގެ ގޮތުން ބޯޖަހާލީމެވެ.

'އޯކޭ... އެހެން ފަހަރަކުން ދޯ؟.. ދަސްވީމަ އަންގާލައްޗޭ!' އަޙުމަދު ބުންޏެވެ. 'މަ ކޭއަށް ބައިކެއް ގެންދޭނަން... އެކަމު އޭރުން އީއްކޮ ސްކޫލަށް ގެންގޮސް ގެނެސް ހަދައިދެން ވާނެ!'

އަހަރެން ހިނިތުންވެލުމަށްފަހު ބޯޖަހާލީމެވެ. ބައިސްކަލެއް ގަނެދޭ ވާހަކަ ބުނުމުން އަހަރެން ވަރަށް އުފާވިއެވެ. އެކަމަކު އެކަން ހާމައެއް ނުކުރަމެވެ.

'އަޙުމަދު ސައިކަލު ދުއްވާލުމުން އަހަރެން ގޭގެ ދޮރާށި ހުޅުވާލީމެވެ. އަދި ގޭތެރެއަށް ވަނުމުގެ ކުރިން ގެހުނަން ގޯޅީގެ އަނެއްކޮޅަށް ބަލާލެވުނެވެ. ގޯޅިގެ ނިމޭހިސާބުގައި ގެއެއްގެ މަގުމަތީ ފާރުގައި ލެނގިލައިގެން ޝަހޫދައްތަ ހުއްޓެވެ. އަހަރެންނަށް ހައިރާން ކަމެއް ލިބުނެވެ. ޝަހޫދައްތަ އަހަރެންގެ ފަހަތުން ހިނގާފައި އައީހެއްޔެވެ؟

'ފައުޒީ!' އެވަގުތު ޝާޒިޔާ ގޮވާލިއަޑު އިވުނެވެ.

'އޯތް!' އަހަރެން އަވަސް އަވަހަށް ގޭތެރެއަށް ވަނީމެވެ. އަދި މަޑުމަޑުން ދޮރާށި ލައްޕާލީމެވެ. ޝަހޫދައްތައާ ގުޅޭގޮތުން އެއްވެސް މީހަކު އަހަރެންނާ ސުވާލެއް ކުރާކަށް އަހަރެން ބޭނުމެއް ނުވެއެވެ.

'ބައްޕަ އެބަ ގޮވާލައްވާ!'

'މިދަނީ!'

އަހަރެން ގޭތެރެއަށް ވަންއިރު ސިޓިންގރޫމްގައި މޫސަބޭ އިނެވެ. އީއްކޮއަށް ކާންދެން ކާމޭޒިކައިރީ ނާހިދާ އިނެވެ. ކާމޭޒުމަތީގައި ކާން ތައްޔާރުކޮށްފައި ހުއްޓެވެ. އަޙުމަދު ދިން ކޮތަޅު އަހަރެން ނާހިދާ އަތަށް ދިނީމެވެ.

'ކޮބާ އަޙުމަދު؟' ނާހިދާ އެހިއެވެ.

'ހިނގައްޖެ.' އަހަރެން ބުނީމެވެ.

'އެކަނި ގެއަށް އަންނަން އެނގުނު ދޯ؟' މޫސަބޭ އެހިއެވެ.

'ލައްބަ!' އަހަރެން ޖަވާބު ދިނީމެވެ.

'އަވަހަށް ޔުނީފޯރމް ބަދަލުކޮށްގެން ކާން އާދޭ!' މޫސަބޭ ބުންޏެވެ. 'ފައުޒީ ނައިސްގެން މޫސަބޭވެސް ނުކައި އަދި މި އިނީ.'

އަހަރެންނަށް ބުނަންވެސް ނޭންގޭފަދަ ހިތަހަމަ ޖެހުމެއް އެވަގުތު ލިބުނެވެ. މޫސަބޭ އަހަރެން އަންނަންދެން ނުކައި މަޑުކުރީތީއެވެ.

'އަލުގަނޑުވެސް ނުކަމޭ އަދި.' ތުއި ރާގެއްގައި ޝަޒިޔާ ބުންޏެވެ. އޭނާނަށް ޅަވިޔަނި ނުކިޔެނީ ކަމެއް ނޫނީ ތުއިވާނަވެގެން ނުކިޔަނީ ކަމެއް އަހަރެންނަކަށް ޔަޤީނެއް ނޫނެވެ.

ނާހިދާ ފޫހި ގޮތަކަށް ޝާޒިޔާއަށް ބަލާލިއެވެ.

'ދަރިފުޅުވެސް ދޭ ޔުނީފޯރމް ބަދަލު ކުރަން.' މޫސަބޭ ބުންޏެވެ.

އަހަރެން ކޮޓަރިއަށްވަދެ، މޭޒުމަތީ ފޮތްދަބަސް ބެހެއްޓީމެވެ. އެއީ ވަރަށް ކުޑަ ކޮޓަރިއެކެވެ. ހަތަރެސްކަން އެއްވަރު، އެ ކޮޓަރީގެ ފުޅާމިނުގައި ހުންނަނީ ކިރިޔާ އެނދެއް ބެހެއޓޭހައި ޖާގައެވެ. އެކަމަކު އަހަރެން އެކަނި އުޅެން އެ ކޮޓަރި ފުދި އިތުރުވެއެވެ.

އެދުވަހު އަހަރެންނަށް ޝަހޫދައްތައާއި މެދު ވަރަށް ވިސްނުނެވެ. އެރޭ މެންދަމުން އަލިވިއިރުވެސް އަހަރެންނަށް ނިދޭގޮތެއް ނުވިއެވެ. ޝަހޫދައްތަ އަހަރެންގެ ފަހަތުން ގެއާހަމަޔަށް އައިސްފައިވެސް ދުރުގައި ބަލަހައްޓައިގެން ހުރީ ކީއްވެބާއެވެ؟ އަހަރެން ވާހަކަ ދައްކަން ބޭނުން ނުވާކަން ޝަހޫދައްތައަށް ވިސްނުނީ ކަންނޭންގެއެވެ. އަހަރެން މާލެ އައިކަން ޝަހޫދައްތައަށް އެނގުނީ ކިހިނެއްބާއެވެ؟ އަހަރެން ކިޔަވާ ސްކޫލަށް ދަންދެން ޝަހޫދައްތަ އޮޅުންފިލުވީ ކިހިނެއް ހެއްޔެވެ؟

ޚިޔާލުތަކުގެ ދުނިޔެއަށް ގެއްލިފައި އޮއްވާ އެންމެފަހުން އަހަންނަށް ނިދުނީ ފަތިސްވާން އުޅެނިކޮށެވެ. އެރޭ، ދުވަސްތަކަކަށްފަހު، އަނެއްކާވެސް އެ ބިރުވެރި ހުވަފެން އަހަރެންނަށް ފެނުނެވެ.

-ނުނިމޭ-