Saturday, January 26, 2008

Mamma Dharifulhu Naa Na Naa 19

'ފައުޒީ މަންމަ ކައިރިއަށް އެއްގޮތަކަށްވެސް ނުދަންތަ؟' ބުޅީގައި ފުއްގަނޑެއް ޖެހުމަށްފަހު ތޮށިގަނޑުމަތިން ބޭރަށް އެއްލަމުން އަހުމަދު އެހިއެވެ. އަހަރެމެން ތިބީ މާފަންނުކޮޅުން އައި.ޖީ.އެމް ހޮސްޕިޓަލާ ދިމާއަށް މަސްބާނަން އައިހެވެ.

'އާނ!' ނަނު ހިފައިގެން ތޮށިގަނޑު މައްޗަށް އަރަމުން އަހަރެން ބުނީމެވެ. 'ކިހިނެއްވީ؟'

'ކަމެއް ނުވޭ... ހަމަ އަހާލީ.' ތޮށިގަނޑު ކައިރިން ތިރީގައި ހުރި އީއްކޮއަށް ބަލާލަމުން އަހުމަދު ބުންޏެވެ. 'މަންމަމެންނަށް އެނގޭތަ ފައުޒީ މާލޭގަ އުޅޭކަން؟'

'އެނގޭނެހެން ހީވަނީ.' މޫދަށް ނަނު އެއްލަމުން އަހަރެން ބުނީމެވެ. 'ތުއްތުބެއާއި ބައްޕައަށް އެނގޭނެ ހަމަ ގައިމުވެސް.'

އެހެންތަ؟.. އެކަމަކު ނާދޭދޯ ބައްދަލުކުރާކަށް؟'

'ހުމ...'

'ދެރަވޭތަ ނާންނާތީ؟'

އުނހުމ... ނުވޭ ދެރައެއް.'

'ހުމ...' އަހުމަދު އަހަރެންގެ މޫނަށް ބަލަހައްޓައިގެން އިރުކޮޅަކު ހުއްޓެވެ. 'ކޮބާ މިހާރު ބައިސްކަލު ދުއްވަން ދަސްވީތަ؟' އަހުމަދު މަޢުލޫ ބަދަލުކޮށްލިއެވެ.

'އާނ...' އަހަރެން ހިނިތުންވެލަމުން ބުނީމެވެ.

'އެހެންތަ؟.. ހުމ... ބައިސްކަލެއް ގެންދެންވީ ދޯ؟'

އަހަރެން އެކައްޗެކޭވެސް ނުބުނަމެވެ. ބައިސްކަލެއް ގަނެދީފިއްޔާ އަހަރެންނަށްވެސް ރަނގަޅެވެ. އެކަމަކު ގަނެދޭށޭ ބުނާކަށް އަހަރެން ބޭނުމެއް ނުވިއެވެ.

'ފައުޒީކައިރީ ވާހަކައެއް އަހަންވެފަ އެބަ އޮތޭ!'

'އެ ކޮންވާހަކައެއް؟'

'ދޮގުނުހަދާ ތެދަށް ބުނަންވާނެ!'

އަހަރެން ކުޑަކޮށް ޖެހިލުނަވާގޮތް ވިއެވެ. އަހަރެން އަހުމަދުގެ މޫނަށް ބަލާލީމެވެ. އަދި އާނއެކޭ ބުނުމުގެ ގޮތުން ބޯޖަހާލީމެވެ.

'ޝާޒިޔާ ދަންވަރު ތިކޮޓަރިއަށް ވަދޭދޯ؟' އަހަރެންނާ ހަތަރުކަޅި ހަމަކޮށްލަމުން އަހުމަދު ބުންޏެވެ.

އަހަރެންގެ ހަތަރެސްފައި ފިނިވެގެން ދިޔައެވެ. ބާރުބާރަށް ހިތް ތެޅިގަތެވެ. މޫނުމައްޗަށް ވެރިވި ނުތަނަވަސްކަން ފޮރުވުމަށްޓަކައި މޫދާދިމާއަށް މޫނު އަނބުރާލީމެވެ.

'ހާދަ ހާސްވީ؟..' އަހުމަދު ބުންޏެވެ. 'އަހަރެންނަށް އެކަހަލަ އެއްޗެއް ހީވާތާ މިހާރު ދިވަސްކޮޅެއް ވެއްޖެ... މީ ރަނގަޅު ހީއެއްތަ؟'

އަހަރެންނަށް ދެންވެސް ޖަވާބެއް ނުދެވުނެވެ. އަހުމަދަށް އެކަން އެނގެނީ ކިހައި ވަރަކަށްކަމެއްވެސް ނޭންގެއެވެ. އަހަރެން އުޅޭނޭ އެހެން ގެއެއް ހޯދަންވީ ވަގުތު އައިސް މިއޮއް ޖެހުނީއެވެ.

'ވަދޭ ދޯ؟' އަހުމަދު އަނެއްކާވެސް އެހިއެވެ.

އަހަރެން ލޯ މަރާލުމަށްފަހު އާނއެކޭ ބުނުމުގެ ގޮތުން ބޯޖަހާލީމެވެ.

'ހުމ... މަށަށް ދެރެއަކު ފެނުނު ޝާޒިޔާ ތިކޮޓަރިއަށް ވަންނަނިކޮށް...'

އަހަރެން އަނގަޔަކުން ނުބުނަމެވެ. ބުނާނީވެސް ވަކިން ކީކޭހެއްޔެވެ؟ އިސްދަށަށް ޖަހައިގެން ހުރިއިރު އަހަރެންގެ ލޮލުތެރަށް މަޑުމަޑުން ކަރުނަތަށް ޖަމާވަމުން ދިޔައެވެ. އެކަމަކުވެސް އަހަރެން ރޯކަށް ބޭނުމެއް ނުވިއެވެ. ކަމެއްވާއިރަށް ލޮލުން ކަރުނަ އަންނާތީ އަމިއްލަ ނަފުސުދެކެ އަހަރެންނަށް ރުޅި އާދެވުނެވެ. ނަމަވެސް އަހަރެން ހިތްވަރުކޮށްގެން ހުއްޓާވެސް އެސްފިޔަތަކުގެތެރެއިން ފުރޭނިގެން ތޮށިގަނޑުމައްޗަށް ކަރުނަތިއްކެއް ޖެހިއެވެ.

'އޭ ފައުޒީ ރޮނީތަ؟' އަހުމްދު ކުޑަކޮށް ކަންބޮޑުވެފައި އެހިއެވެ. 'ތީކީ އަދި ރޯވަރުގެ ކަމެއް ނޫނެއްނު؟'

އަހަރެން އަހުމަދަށް ބަލާލީމެވެ.

'ތީކީ އަދި އެއްގޮތަކަށްވެސް ރޯންޖެހޭވަރުގެ ކަމެއް ނޫނޭ!.. ތިކަމުގަ އަހަރެން އެއްގޮތަކަށްވެސް ފައުޒީ ގޯހެއް ނުކުރަން...'

އަހަރެންގެ މޫނުމައްޗަށް ކޮންމެވެސް ވަރެއްގެ ހައިރާންކަމެއް ވެރިވިއެވެ.

'އާނ... މަށަށް ޝާޒިޔާ ވަރަށް ރަނގަޅަށް އެނގޭ... ކުރިންވެސް ގޭގަ އުޅުނުކުއްޖަކަށް އޭނަޔާހެދި ނޫޅެވިގެން ނުކުމެގެން ދިޔައީ!'

އަހަރެން ޔަޤީން ނުވެފައި އަހުމަދާއި ދިމާއަށް ބަލަހައްޓައިގެން ހުރެވުނެވެ.

'ފައުޒީ ތަންކޮޅެއް މަޑުމައިތިރި ވީމަ ޝާޒިޔާއަށް ތި އަތުއަޅުވާލެވުނީދޯ؟' އަހުމަދު ބުންޏެވެ. 'ނޫނީ ފައުޒީ ޝާޒިޔާދެކެ ލޯބިވޭތަ؟'

އަހަރެން ނޫނެކޭ ބުނުމުގެ ގޮތުން ބޯ ހޫރާލީމެވެ.

'ދެން ކިހިނެއް ޝާޒިޔާގެ މަޅީގަ ފައުޒީ ތިޖެހުނީ؟'

އަހަރެން ދެލޯ ފުހެލީމެވެ. އަދި އެކަން ފެށުނުގޮތް ކުރުގޮތަކަށް އަޙުމަދަށް ކިޔައިދިނީމެވެ.

'ޑެޑީ!..' އީއްކޮ ގޮވާލިއެވެ. 'ހިނގާ ގެއަށްދާން... އީއްކޮ ފޫހިވަނީ.'

'އާނ... ހިނގާދާން ދޯ؟' އަދި އަހަންނާ ދިމާއަށް ބަލާލިއެވެ. 'ތިކަން ނިމުމަކަށް ގެންނަން ޖެހޭނީ... ބައްޕަޔަށް އެނގިއްޖެއްޔާ ފައުޒީ މަރާލަންވެސް ފަހަކަށް ނުޖެހޭނެ... ޝަޒިޔާއަކީ އެގޭ އެންމެން މާ ލޯބިވާ މީހެއްނު... އެމީހުންނަކަށް ޝާޒިޔާ ގޯހެއް ނުވާނެ ދޯ... އެކަމު ނާހީއަށް އެނގޭނެ ޝާޒިޔާގެ ގޮތްގަނޑު މިހާރު... މަ ނާހީއާއި ވާހަކަ ދައްކައިގެން ތިކަން ނިމުމަކަށް ގެންނަން ހެދިދާނެ ގޮތެއް ބަލާނަން.'

ނާހިދާކައިރީ އެވާހަކަ ދައްކާނެކަމަށް ބުނުމުން އަހަރެން ހާސްވާގޮތް ވިއެވެ. އަހުމަދަށް އެކަން ވިސްނުނެވެ.

'ނާހީ ވަރަށް އަންޑަސްޓޭންޑިގ ވާނެ... އޭނަޔަށް އެނގުނަސް އޯކޭ ވާނެ.' އަޙުމަދު ބުންޏެވެ. 'އޭނަ އެހެންނޫނަސް ފައުޒީއަށް ވަރަށް ހަމްދަރުދީ ވޭ.'

-ނުނިމޭ-

Pic taken from Phase Drift

Monday, January 14, 2008

Mamma Dharifulhu Naa Na Naa 18


'ޝަހޫދައްތާ!' އަހަންނަށް އިޚުތިޔާރަކާއި ނުލާ ބުނެވުނެވެ.

ޝަހޫދައްތަ އަނގައިންވެސް ނުބުނެ އަހަރެންނާ ދިމާއަށް ބަލަހައްޓައިގެން އިނެވެ. ޝަހޫދައްތަގެ މޫނުމަތީގައި ނުރުހުމުގެ އަސަރު ކޮންމެވެސް ވަރަކަށް ފާޅުވާން ހުއްޓެވެ.

'މިގަޑީގަ ކީއްކުރަނީ؟' އަހަރެން އެހީމެވެ. 'ކިހިނެއް ގެއަށްވަނީ؟'

'ތަންތަނަށް އަންނަން ވަކި ގަޑިއެއް އޮވޭތަ؟' ޝަހޫދައްތަ އެހިއެވެ. އޭނާގެ އަޑުގައިވަނީ ހަރުކަށިކަމެވެ. 'ދަންވަރު ގަޑިއަކީ ވަރަށް ގިނަ ކަންތައްތައް ކުރަން ފަސޭހަ ގަޑިއެއްކަން މިހާރު ފައުޒީކޮއްކޮއަށް އެނގޭނެ... ޚާއްޞަކޮށް ކަމެއް ސިއްރުން ކުރަން ބޭނުންވާކަމަށް ވަންޏާ... އެހެންނޫނަސް މީކީ މިގަޑީގަ ފައުޒީކޮއްކޮ ކައިރިއަށް ޝަހޫދައްތަ އައި ފުރަތަމަ ފަހަރެއް ނޫނެއްނު!' ޝަހޫދައްތަ ވާހަކަ ދެއްކީ ވަރަށް ބާރަށެވެ.

'ޝަހޫދައްތަ ތަންކޮޅެއް މަޑުން ވާހަކަ ދައްކަބަލަ!' އަހަރެން ވައިއަޑުން ބުނީމެވެ. އަހަރެމެން ވާހަކަ ދައްކާ އަޑު ޝާޒިޔާ އަށް އިވޭކަށް އަހަރެން ބޭނުމެއް ނުވިއެވެ.

'ކާކަށް އަޑުއިވިދާނެތީ ތި އުޅެނީ؟' ޝަހޫދައްތަ އެހިއެވެ. 'ޝަހޫދައްތަ މިއުޅެނީކީ ވައްކަމެއް ކުރަން އައިހެއް ނޫން!'

'ވަކި މީހަކަށް އަޑުއިވިދާނެތީއެއް ނޫން... އެކަމަކު މީހަކަށް އަޑުއިވިއްޖެއްޔާ ކަޑަވާނެތީ!'

'ފައުޒީކޮއްކޮ ތިގަންނަ ގަނޑު މީހަކަށް ފަޅާއަރައިފިއްޔާ ޔޯ؟' ކޮޓަރީގެ ދޮރާ ދިމާއަށް ބަލާލަމުން ޝަހޫދައްތަ ބުންޏެވެ.

'ކޮން ގަނޑެއް؟' އަހަރެން ނޭންގޭ ކަމަށް ހެދީމެވެ.

'ޝަހޫދައްތައަށް ނޭންގޭކަމަށްތަ ހީކުރީ؟'

އަހަރެންނަކަށް ބުނާނެ އެއްޗެއް ނޭންގުނެވެ. އިސްޖަހާލައިގެން ހުރެވުނީއެވެ.

އެވަގުތު ގޭގެ ބޭރު ދޮރާށި ހުޅުވާލި އަޑު އިވުނެވެ. އަހަރެންގެ ހިތް ބާރުބާރަށް ތެޅިގަތެވެ. މިގަޑީގަ ގެއަށް އެއައީ ކާކުބާއެވެ؟

އަހަރެން ޝަހޫދައްތަ ދިމާއަށް ބަލާލިއެވެ. އޭނާގެ މޫނުމަތީގައިވަނީ ނުލަފާ ހިނިތުން ވުމެކެވެ.

'މީހަކު އެބައާދޭ!' އަހަރެން ބުނީމެވެ.

'އައިސްދާނެ އެއްނު!' ޝަހޫދައްތަ ބުންޏެވެ. އަދި ހަމަ އެއެންގޮތަށް ގޮނޑީގައި އިށީންދެގެން އިނީއެވެ.

އަހަރެން ޝަހޫދައްތަގެ އަތުގައި ހިފީމެވެ. އަދި ޝަހޫދައްތަ ބަދިގެއަށް ވެއްދުމަށްފަހު ބޭރުން ދޮރު ލައްޕާލީމެވެ.

'ފައުޒީ!' އަޙުމަދު ގޮވާލިއަޑު އިވުމުން އަހަރެން އެނބުރިލީމެވެ. 'މިގަޑިގަ ހޭލާ ކީއް ތިކުރަނީ؟'

'ފެންބޯންވެގެން..'

'ބަދިގެ ތަޅުލާފަދޯ ހުރީ؟' ބަދިގޭގެ ދޮރަށް ބަލާލަމުން އަހުމަދު ބުންޏެވެ.

އަހަރެން އާނއެކޭ ބުނުމުގެ ގޮތުން ބޯޖަހާލީމެވެ.

'ތިވާނީ މަންމައަށް ނޭންގި ތަޅުލެވިފަ ހުރީ ކަމަށް...' ޖީބުން ތަޅުދަނޑިއެއް ނަގަމުން އަޙުމަދު ބުންޏެވެ. އަހަރެންގެ ހަތަރެސްފައި ފިނިވެގެން ދިޔައެވެ.

'އާދޭ މައްޗަށް... ފެންފުޅިއެއް ދޭނަން.' ގޭތެރޭގައި ހުރި ސިޑިން މައްޗަށް އަރަމުން އަޙުމަދު ބުންނެވެ. އަހަރެންވެސް ހަމަޖެހުމުގެ ނޭވާއެއް ލުމަށްފަހު އަޙުމަދުގެ ފަސްފަހަތުން ސިޑިން މައްޗަށް އެރީމެވެ. އަޙުމަދު ކޮޓަރިން ފެންފުޅިއެއް ނެރުމަށްފަހު އަހަރެންނަށް ދިއްކޮށްލިއެވެ.

އަހަރެން އެފުޅިގައި ހިފުމަށްފަހު އެއިން ފެންފޮދެއް ބޯލީމެވެ. އަދި ފެންފުޅި އަނބުރާ އަޙުމަދަށް ދިއްކޮށްލީމެވެ.

'ކީއްވެ ދޮރާށި ތަޅުނުލާ އެހުރީ؟' ފުޅީގައި ހިފަމުން އަޙުމަދު އެހިއެވެ. 'ގޭގެ ބޭރުދޮރުވެސް ހުރީ ތަޅުނުލާ!'

ޝަހޫދައްތައަށް ގޭތެރެއަށް ވަދެވުނުގޮތް އަހަރެންނަށް ވިސްނުނެވެ. މޫސަބޭ ހަނދާންނެތިގެން ދޮރާއްޓާއި ގޭގެ ބޭރުދޮރު ތަޅުނުލާ ހުރީއެވެ.

'މަށަކަށް ނޭންގެ!' އަހަރެން ކުޑަކޮށް ހާސްވެފައި ހުރެ ބުނީމެވެ. 'އަހަރެން ނިދިއިރު މޫސަބޭ އުޅޭ ހޭލާ.'

'ހުމ...'

އަހަރެން މަޑުމަޑުން ސިޑިން ފޭބުމަށްފަހު ފުން ނޭވާއެއް ލީމެވެ. އަދި ބަދިގޭގެ ދޮރުގެ ތަޅުގައި މަޑިމަޑުން ހިފާލީމެވެ. ދޮރު ހުރީ ތަޅުނުލެވިއެވެ. އަހަރެންގެ ހިތް ތެޅިގަނެގެން ދިޔައެވެ. ދޮރުހުރީ ތަޅުލާފަތޯ އަޙުމަދު ޗެކް ނުކުރިކަން ނަސީބެކެވެ. ޝަހޫދައް ދޮރު ތަޅުނުލީ ކީއްވެބާއޭ އަހަރެން ހިތަށް އެރިއެވެ.

އަހަރެން ބަދިގޭގެ ދޮރު ހުޅުވާލީމެވެ. އަދި ބަދިގެ ތެރެއަށް ބަލާލީމެވެ. ޝަހޫދައްތައެއް ބަދިގެއަކު ނެތެވެ. އަހަރެމެން މައްޗަށްދިޔަވަގުތު ބަލާފައި ޝަހޫދައްތަ ދިޔައީއެވެ.

އަހަރެން ކޮޓަރިއަށް ވަނީމެވެ.

'ކާކާ ވާޙަކަ ދެއްކީ؟' ޝާޒިޔާ އެހިއެވެ.

'އަޙުމަދު.'

'އަޙުމަދުބެ އައުމުގެ ކުރިން މީހަކާ ވާހަކަ ދެއްކިހެން ޝާ އަށް ހީވި.'

'ނޫން... އެއްވެސް މީހަކާ ވަހަކައެއް ނުދައްކަން.' އަހަރެން އަވަސް އަވަހަށް ބުނީމެވެ. 'ޝާޒިޔާ ދެންދޭ...'އަހަރެން ގަޑިއަށް ބަލާލަމުން ބުނީމެވެ. 'މިހާރު ބައްޕަ ނަމާދަށްދާން ތެދުވާގަޑި ޖެހެނީ!'

'ކިސްއެއް ދިނީމަ ދާނީ!'

އަހަރެން ފުން ނޭވާއެއް ލުމަށްފަހު ބޯހޫރާލީމެވެ. އަދި ޝަޒިޔާގެ ތުންފަތުގައި ކިސްކޮށްލީމެވެ.

'ތިހާ ކުޑަ ކިސް އަކުން ނުފުދޭނެ.' ޝާޒިޔާ ބުންޏެވެ. އަދި އަހަރެންގެ ދެކޮނޑަށް އަތް ވައްޓާލުމަށްފަހު އަހަރެންގެ ތުންފަތުގައި އަނގަޖެހިއެވެ.

އަހަރެން ވަރަށް އުނދަގުލުން ޝާޒިޔާ އަހަރެންގެ ގަޔާ ދުރުކޮށްލީމެވެ. ފަލަކަމާ އެއްވަރަށް އޭނާގެ ބާރުވެސް ގަދައެވެ.

'ދެން މިރެއަކު ނޫން.' އަހަރެން ބުނީމެވެ. 'ބުނެފީމެއްނު ބައްޕަ މިހާރު ހޭލައިގެން އުޅޭނޭ.'

'އޯކޭ... އެކަމު މާދަމާރޭ ޖެހޭނެ ދެފަހަރަށް ކޮންޑޮމް ބޭނުންކުރަން...' އަލުން އަހަންނާ ކައިރިވެލުމަށްފަހު ސޯޓުތެރެއަށް އަތްބާނާ ކޮންޑޮމް ދަމައިގަންނަމުން ޝާޒިޔާ ބުންޏެވެ. އަހަރެން އެބުނި އެއްޗެއް ނުވިސްނިފައި އިރުކޮޅަކު ހުރީމެވެ.

'އެއީ މިރޭޔާ މާދަމާރެޔާ ދެރެޔަށް ވާވަރަށް... މިރޭ މިވީ ބޭކާރު ރެޔަކަށްނު!' ޝަޒިޔާ ހިނިތުންވެލާފައި ބުންޏެވެ.

އެރެއަށްފަހު ހަފުތާއެއް ވީއިރުވެސް އަހަރެންނަށް ޝަހޫދައްތައާއި ދިމައެއް ނުވެއެވެ. އަހަރެން ސްކޫލަށް ދާއިރުއާއި ސްކޫލުން ނިމިގެން އަންނައިރުވެސް ޝަހޫދައްތަ ފެނޭތޯ ބަލަމެވެ. އެކަމަކު ޝަހޫދައްތައެއް ނުފެނެއެވެ. ޝަހޫދައްތަ އަހަރެންދެކެ ރުޅިއައީހެއްޔެވެ؟ ޝަހޫދައްތައަކީ އަހަރެންނަށް ހަމްދަރުދީވާ މަދު މީހުންގެ ތެރެއިން އެކަކެވެ. އަހަރެންދެކެ ހަޤީޤަތުގައިވެސް ލޯބިވާ ހަމައެކަނި އިންސާނެވެ. ވީއިރު ޝަހޫދައްތަ އަހަރެންދެކެ ރުޅިއައުމަކީ އަހަރެންނަށް ކެތްވާނެ ކަމެއް ނޫނެވެ.

މިހުރިހައިވެސް ކަމަކީ ޝަޒިޔާގެ ކަންތަކެވެ.

ޝަހޫދައްތަ ނުފެނި ގިނަދުވަސްވީވީހެން އަހަރެންނަށް ކުރިއަށްވުރެވެސް ބޮޑަށް ޝާޒިޔާދެކެ ރުޅިއާދެވެން ފެށިއެވެ. ނަފުރަތު ކުރެވެން ފެށިއެވެ. އެކަމަކުވެސް ކުރެވޭނެ މާބޮޑު ކަމެއް ނެތެވެ. އެގޭގައި އުޅެން ބޭނުންވާ ކަމަށް ވަންޏާ ޖެހޭނީ ޝަޒިޔާ ބޭނުންވާ ގޮތަށް ކަންތައް ކުރާށެވެ.

ކަންތައްތައް ވަމުންދިޔަ ގޮތުގެ ވާހަކަ ޝަހޫދައްތައަށް ކުރިން ކިޔައިނުދެވުނީތީ މިހާރު އަހަރެން ދެރަވެއެވެ.

'ގޮދާ ކިހާ ވަރަކަށް؟' ދަންނަ އަޑެއް ކައިރިން އިވުމުން އަހަރެން ފަސް އެނބުރިލާފައި ބަލާލީމެވެ. އަހަރެން ހުރީ ގެއަށް މަސް ގަންނަންވެގެން މަސްމާރުކޭޓަށް ގޮހެވެ. އަހަރެންނާ ތިންވަރަކަށް ފޫޓު ދުރުގައި ބައްޕަ ހުއްޓެވެ. އަހަރެންގެ ހިތް ބާރުބާރަށް ތެޅެންފެށިއެވެ.

'ހަތްދިހައަށް...' މަސް ވިއްކަންހުރި މީހާ ބުންޏެވެ. 'މިކޮޅުން ފަންސާހަށް... މީ ތިރީހަށް.' އޭނާ މާރުކޭޓުގެ މުށިތައްމަތީ ބައިބަޔަށް އަތުރާފައިހުރި މަސްތަކުގެ އަގު ކިޔާލިއެވެ.

އަހަރެން ބަލަހައްޓައިގެން ހުރިކަމުގެ އިހުސާސް ކުރެވުމުން ބައްޕަ އަހަރެންނާ ދިމާއަށް ބަލާލިއެވެ. އަހަރެން ފެނުމުން ބައްޕަގެ މޫނުމަތިން ކުޑަކޮށް ހައިރާންކަން ފާޅުވިއެވެ. އިރުކޮޅަކު އަހަރެންނާ ދިމާއަށް ބަލަހައްޓައިގެން ހުރުމަށްފަހު މަސްތަކަށް ބައްޕަ ބަލާލިއެވެ. އަދި އެތަނުން ފަލަހެން ހީވާ ގޮދައެއް ނެގިއެވެ. އެއަށްފަހު ކެޔޮޅުއަތަށް ލާރި ދިނުމަށްފަހު މަސްކަނޑާތަނާ ދިމާއަށް ހިނގައިގަތެވެ. ނަމަވެސް ތަންކޮޅަކަށް ދިއުމަށްފަހު ހުއްޓުނެވެ. އަދި އެނބުރިއައިސް އަހަރެންގެ ކުރިމައްޗަށް ހުއްޓުނެވެ.

'ކޮން ގެއެއްގަ ހުންނަނީ؟' ބައްޕަ އެހިއެވެ.

'ގަލޮޅުގަ ހުންނަ ގެއެއްގަ...' އަހަރެން ތުރުތުރުއަޅާ އަޑަކުން ބުނީމެވެ. 'ސްވާސްޓިކާ ކިޔަނީ.' އަހަރެން ގޭގެ ނަން ބުނީމެވެ.

ބައްޕަ ބޯ ހަލުވާލިއެވެ. 'ސްކޫލަށް ދަންތަ؟'

އަހަރެން އާނއެކޭ ބުނުމުގެ ގޮތުން ބޯޖަހާލީމެވެ.

ބައްޕަ އެއްޗެކޭ ބުނަން އުޅުނުހެން ހީވިއެވެ. ނަމަވެސް އިތުރު އެއްޗެކޭ ނުބުނެ އެނބުރި މަސްކަނޑާ ތަނާ ދިމާއަށް ހިނގައިގަތެވެ.

އަހަރެންނަށް ބައްޕައަށް ބަލަހައްޓައިގެން އެތައް އިރެއް ވަންދެން ހުރެވުނެވެ. ނަމަވެސް ބައްޕަ އިތުރަށް އެއްފަހަރުވެސް އަހަރެން ފެނޭތޯ ބަލައެއް ނުލައެވެ.

އެދުވަހު އަހަރެންނަށް ބުނަންވެސް ނޭންގޭފަދަ އަސަރުތަކެއް ކުރުވިއެވެ. އެއީ ބައްޕަ އަހަރެންނާ ވާހަކަ ދެއްކި ފުރަތަމަ ފަހަރެވެ. ބައްޕަގެ އަނގައިން އަހަރެންނާ މުޚާޠަބްކޮށް ބަހެއް ބުނާއަޑު އެހުމަކީ އަހަރެންނަށް ނޭންގިނަމަވެސް ކުރެވެމުންއައި އުންމީދެކެވެ. އެކަމަކު މިއަދު އެއުންމީދު ފުރިހަމަވުމުން އަހަރެން އުފަލެއް ނުވެއެވެ.

އަހަރެން ގެއަށް ދިއުމަށްފަހު ލޯގަނޑު ކުރިމައްޗަށް ހުއްޓި އަމިއްލަ ސޫރަ ބަލާލީމެވެ. އަހަރެން ބައްޕަޔާ ކިހާ ވައްތަރު ހެއްޔެވެ؟ ބޮޑުވިބޮޑުވިހެން އަންނަނީ ބޮޑަށް ވައްތަރުވަމުންނެވެ. އެކަމަކު ބައްޕަޔަށް އެކަން ފާހަގަ ކުރެވުނުބާއެވެ؟ އެކަން ޤަބޫލު ކުރެވުނުބާއެވެ؟ ނޫނީ އަދިވެސް ބައްޕަ މި ޙަޤީޤަތާ ކުރިމަތިލާން ބޭނުން ނުވަނީބާއެވެ؟

-ނުނިމޭ-


Thursday, January 10, 2008

Mamma Dharifulhu Naa Na Naa 17

އެރެއަށްފަހު އަހަރެންގެ ތަންމަތި ފަޅުފިލުވާލަދޭ ބައިވެރިއެއްކަމުގައި ޝާޒިޔާ ވިއެވެ. އޭނާ ކޮންމެ ރެޔަކުހެން ދަންވަރު ގަޑީގައި އަހަރެން ކައިރިއަށް އާދެއެވެ. އަހަރެންނަށް ހަމަޔަށް ނިދި ނުލިބޭން ފެށިއެވެ. ދުވާލު ގަޑީގައި އަހަރެން ހުންނަނީ ނިދި ބޮލަށް އަރާފައެވެ. ކުލާހުގައި ތާޔަށް ޖެހޭގޮތްވެއެވެ.

'ފައުޒީ މިހާރު ހާދަ ފާޑަކަށޭ ތިހުންނަނީ!' އެއްރެޔަކު އިޝާނަމާދަށް ދަމުން މޫސަބޭ އެހިއެވެ. 'ބަލިވެތަ ތި އުޅޭނީ؟'

'ނޫން!' އަހަރެން ބުނީމެވެ.

'މަންމަމެން މަތިން ހަނދާންވަނީ ދޯ؟'

އަހަރެން ޖަވާބެއް ނުދެމެވެ.

'ފައުޒީ ބޭނުމިއްޔާ މޫސަބޭ ގެންގޮސްދީފާނަން ފައުޒީގެ ގެއަށް...' އަހަރެންގެ މޫނަށް ބަލާލަމުން މޫސަބޭ ބުންޏެވެ.

އަހަރެން ދެންވެސް ޖަވާބެއް ނުދެމެވެ.

'ބޭނުންތަ ދާން؟' މޫސަބޭ އެހިއެވެ.

'ނޫން!' އަހަރެން އެގެއަށް ދާކަށް ބޭނުމެއް ނުވެއެވެ. އާއިލާގެ އެންމެން މަތިން ކިތަންމެ ހަނދާންވިޔަސް، އެމީހުން އަހަރެން މަތިން ހަނދާން ނައްތާލާފައި ވާކަން އަހަންނަށް އެނގޭތީއެވެ.

މޫސަބޭއަށް އަހަރެމެންގެ ސިއްރު ފަޅާއަރާފާނެތީ ބިރުގެންނަމަވެސް، ކޮންމެ ރެޔަކު ޝާޒިޔާ އަންނަ ގަޑިއަށް އަހަންނަށް އިންތިޒާރު ކުރެވެން ފެށިއެވެ. ޝާޒިޔާދެކެ ލޯބި ވެވިގެނެއްނޫނެވެ. ގަޔާވާތީއެއްވެސް ނޫނެވެ. ޝާޒިޔާއާއި އެކު ހޭދަކުރާ ވަގުތުކޮޅުގައި އަހަރެންގެ ހަށިގަނޑަށް ލިއްބައިދޭ ލައްޒަތީ އަރާމުގެ ސަބަބުންނެވެ. ޝާޒިޔާ އެހައި ފަލަ ނޫންނަމަ، އަދި ގޭތެރޭގައި ތުއިވެތުއިވެފަ ނޫޅޭނަމަ އަހަރެންނަށް ޝާޒިޔާއާއި ގަޔާ ވެވިއްޖައިހެވެ. އަހަރެން ނިދާ އެނދު ދެމީހުން އަރާ ތިއްބާ ބިންދައިގެން ހިނގައިދާނެ ކަމުގެ ބިރު އަހަރެންނަށް ހީވާން ފެށިއެވެ. އެހެންވެ، ކޮންމެ ރެއަކު ޝަޒިޔާ އައުމުން ކޮޓަރީގެ ތަރުފާލު މައްޗަށް އެނދުގެ ގޮދަޑި ބަދަލު ކޮށްލަނީއެވެ.

ޝާޒިޔާ ކޮންމެ ރެޔަކު އަންނަން ފެށުމުން އަހަރެންނަށް އަންމަޑޭގެ އެހީތެރިކަން ހޯދަން ބޭނުންވިއެވެ. ކަމެއް ގޯސް ވެދާނެތީ އަހަރެން ބިރުގަތީއެވެ. އަހަރެން ރިލުވާނާއި އަންމަޑޭއަށް ޝާޒިޔާގެ ވާހަކަ ކިޔައިދިނީމެވެ.

'ކޭ ތީ ނަސީބު ގަދަ ޅާއެއް އިނގޭ!' އަންމަޑޭ ބުންޏެވެ. 'ގޭތެރޭން ކޭ އަށް ހުރިހާ ކަމެއް ފުދޭގޮތް ވީނު ތި؟'

'ދެންހެޔޮ ދޯ މީހާ ޑަބަލް ބެޑެއްވަރު ވިޔަސް!' ރިލުވާނު ބުންޏެވެ.

'ކަލޯ ރިލޫ... ވަރަށް އަރާމުވާނެ... އެކަހަލަ ޗަބީ ޅާޔަކު އަތު ޖެހުނީމަ ކޭ އަށްވެސް އެނގޭނީ!' އަންމަޑޭ ބުންޏެވެ. 'ނޫންތަ ފައުއްޓޭ؟'

އަހަރެން އާންއެކޭ ބުނުމުގެ ގޮތުން ބޯޖަހާލީމެވެ. އަންމަޑޭ އިތުރަށް އޮޅުން ފިލުވަން ބޭނުންވިއެވެ. ނަމަވެސް އަހަރެން އެ ހުރިހައި ތަފްޞީލު އަންމަޑޭއަށް ކިޔައިދޭކަށް ބޭނުމެއް ނުވިއެވެ.

އަންމަޑޭ އަހަރެންނަށް ކޮންޑޮމް ފޮއްޓެއް ދިނެވެ. އަދި ހުސްވީމަ ބޭނުމިއްޔާ އަންގާލާށޭ ބުންޏެވެ. އަންމަޑޭ އެއެއްޗިހި ހޯދަނީ ކިހިނެއް ކަމެއް ނޭންގެއެވެ. އަހަރެން އެޔެއް އޮޅުން ފިލުވާކަށް ބޭނުމެއްވެސް ނުވެއެވެ.

'އަހަރެން ދެކެ އެއްވެސް ވަރަކަށް ލޯބިވޭތަ؟' އެއްރެއަކު ޝާޒިޔާ އަހަރެން ކައިރީ އެހިއެވެ.

'ލޯބިވުން އެހާ މުޙިއްމުތަ؟' އަހަރެން އެހީމެވެ. 'ޝާޒިޔާ ބޭނުންވާ ކަންތައް ކަންތައް ވަންޏާ އެ ނިމުނީނު.'

'ތިބުނީ ފައޫ ބޭނުމެއް ނުވެޔޭތަ އަހަރެން އަންނާކަށް؟'

'މަށެއް ތިހިނެއް ނުބުނަމެއްނު.'

'އަޅެ ބުނެބަލަ... މަށާ އެއްވެސް ވަރަކަށް ގަޔާވޭތަ؟'

'ކިހިނެއް ހީވަނީ؟' ކޮންޑޮމް ޕެކެޓެއް ކަނޑާލުމަށްފަހު ކޮންޑޮމް ލައްވާލަމުން އަހަރެން ބުނީމެވެ.

ޝާޒިޔާ ހިނިތުން ވެލިއެވެ. 'ހީވަނީ ވާހެން... އެކަމަކު ޔަޤީނެއް ނޫން.'

'ހީވާނީ ރަނގަޅަށް.'

'ފައޫ ލޯބިވާ އެހެން ކުއްޖަކު ހުރޭތަ؟'

'ތިދެން ކޮންވާހަކައެއް؟' ގޮދަޑީގައި އޮށޯވެގެން އޮތް ޝާޒިޔާއާއި ދިމާއަށް ތިރިވެލަމުން އަހަރެން ބުނީމެވެ.

ޝާޒިޔާ އަހަރެންގެ މޭމަތީގައި ފައިތިލް ޖައްސާލިއެވެ. އަދި ތިރިވިޔަ ނުދީ ހިފަހައްޓާލިއެވެ. 'ބުނެބަލަ!'

'ހުރުން އެއީ މައްސަލައެއްތަ؟' އަހަރެން ހިންދެމިލަމުން ބުނީމެވެ.

'އެހެންވީމަ ހުރޭ ދޯ؟.. އެއީ ކޮންނަމެއް ކިޔާ ކުއްޖެއް؟'

އަހަރެން ހިތްހަމަ ނުޖެހޭގޮތް ވިއެވެ. އަހަރެން މީހަކު ދެކެ ލޯބިވިއްޔާ ޝާޒިޔާއަށް ކީއްހެއްޔެވެ؟ އޭނާ ބޭނުންވާ ކަންތައް ވަނިކޮށް އެ ނިމުނީ ނޫން ހެއްޔެވެ؟ އަހަރެން ޝާޒިޔާގެ ކިބައިން ބޭނުންވާހާވެސް އެއްޗަކީ ކޮންމެ ރެއަކު އޭނާ އަންނަ ވަގުތު ކޮޅުގައި އެލިއްބައިދޭ ވަގުތީ އަރާމެވެ. 'ހަމަ ގައިމުވެސް ޝާޒިޔާއެއް ނޫން ކިޔަނީ!'

ޝާޒިޔާ އެއްވެސް އެއްޗެކޭ ނުބުނެ އަހަރެންނާ ދިމާއަށް ބަލަހައްޓައިގެން އޮތެވެ. އޭނާގެ މޫނުމަތިން ހިތްހަމަ ނުޖެހުމުގެ އަސަރު ފެންނަން ހުއްޓެވެ.

'ކިހިނެއްވީ؟' އަހަރެން އެހީމެވެ. 'މަށަކަށް ޝާޒިޔާދެކެ ގަދަކަމުން ލޯތްވެއް ނުވެވޭނެ...'

'އަހަރެން ފަލަވީމަތަ؟' ޝާޒިޔާ އެހިއެވެ.

އަހަރެން ބޯ ހޫރާލީމެވެ.

'ދެން ކީއްވެ؟'

'މަށަކަށް ނޭންގެ.' އަހަރެން ކުޑަކޮށް ރުޅިއަންނަގޮތް ވިއެވެ. 'މިދެން ކޮން ވާހަކައެއް؟.. މަށެއް ބޭނުމެއް ނޫން މިވާހަކަ ދައްކާކަށް.'

'ފައޫ ރުޅިއައީތަ؟' ޝާޒިޔާ ހިނިތުން ވެލަމުން ބުންޏެވެ. ' ފައޫ ރުޅިއައީމް ވަރަށް ލޯބި!.. ހީވަނީ ކިއުޓް ބޭބީއެއްހެން.'

'އެހެންތަ؟.. އަޅެ ބޭބީއެއްނޫންކަން އަންގާލަންތަ؟' އަހަރެން ނުރުހުންވެގެން ހުރެ ބުނީމެވެ. އަދި ޝާޒިޔާއާއި ދިމާއަށް ތިރިވާން ފެށީމެވެ.

'އަޅެ ތިހުރި ކުޅަދާނަކަމެއް ދައްކާލަބަލަ!' ހިނިތުންވެގެން އޮވެ ޝާޒިޔާ ބުންޏެވެ.

އެވަގުތު ސިޓިންގރޫމްގައި މީހަކު އުޅޭހެން އަހަރެންނަށް ހީވިއެވެ. އަހަރެން ކޮޅަށް ތެދުވީމެވެ. އަދި އެއްވެސް އަޑެއް އިވޭތޯ ސަމާލުވެލީމެވެ.

'ކިހިނެއްވީ؟' ޝާޒިޔާ އެހިއެވެ.

'ޝްޝހހ!' އަހަރެން ތުންފަތުގައި ޝާހާދަތް އިނގިލި ޖައްސާލީމެވެ. ޝާޒިޔާ ހަމަހިމޭންވިއެވެ.

ކޮޓަރީގައި ހުރި ފަންކާގެ އަޑާއި އަހަރެންގެ ނޭވާގެ އަޑުނޫން އެހެން އަޑެއް އަހަރެންނަކަށް ނުއިވެއެވެ. ނަމަވެސް މީހަކު އުޅޭތޯ ނޫޅޭތޯ ޔަޤީން ކުރަން އަހަރެން ބޭނުންވިއެވެ. އަހަރެން އަވަސް އަވަހަށް ސޯޓު ލީމެވެ. އަދި ކޮޓަރީގެ ދޮރު ހުޅުވާލުމަށްފަހު އަހަރެން ސިޓިންގރޫމަށް ނުކުތީމެވެ. ސިޓިންގރޫމުގައި ދިއްލާފައި ހުރި ބޮކީގެ ފަނޑު އަލީގެތެރެއިން އަހަރެން ސިޓިންގރޫމަށް ނަޒަރު ހިންގާލީމެވެ. އެވަގުތު އަހަރެންގެ ހިތް ބާރުބާރަށް ތެޅިގަނެގެން ދިޔައެވެ. މޫސަބޭ އާއްމުކޮށް އިށީންދެގެން އިންނަ ސަރަންފީ ގޮނޑީގައި މީހަކު އިށީންދެގެން އިނެވެ. ނަމަވެސް ގޮނޑި ހުރީ އަހަރެންނަށް ފުރަގަސްވާގޮތަށް އަނބުރާލާފައި ކަމަށް ވުމުން އަހަރެންނަށް ފެންނަނީ އެމީހަކުގެ ބޮލުގެ މަތީބައެވެ.

އަހަރެންގެ ހަތަރެސްފައި ފިނިވާގޮތް ވިއެވެ. އެކަމަކުވެސް ދާވެސް ހިއްލަންފެށިއެވެ. ހަދާނެގޮތް ބޮޑުވިއެވެ. އެއީ ކާކުތޯ ބަލަންވެސް ބޭނުންވިއެވެ. އެކަމަކު އެމީހަކަށް އަހަރެންގެ ކޮޓަރީގައި ޝާޒިޔާ އޮތްކަން އެނގޭކަމަށް ވާނަމަ ނުވަތަ އެނގިއްޖެ ނަމަ އަހަރެންގެ ދުވަސް ދިޔައީއެވެ. ހިތަށް ވެރިވެފައިވާ ހާސްކަމާއި ނުތަނަވަސް ކަމުގެ ތެރޭގައިވެސް، އެއީ ކާކުތޯ ބަލާނެ އުކުޅެއް އަހަރެންނަށް ވިސްނުނެވެ. އަހަރެން ކޮޓަރީގެ ދޮރު ބޭރުން ލައްޕާލީމެވެ. އަދި ފެންބޯންކަމަށް ހަދާފައިގޮސް ބަދިގެއަށް ވަނީމެވެ. ބަދިގޭން ނުކުންނަ އިރު އެ ގޮނޑީގައި އިން މީހަކު އިންނާނީ ސީދާ އަހަރެންނަށް ކުރިމަތިވާ ގޮތަށެވެ.

އަހަރެން އައިސް އަލަމާރިން ފެންފުޅިއެއް ނެގީމެވެ އަދި ތައްޓަކަށް ފެންފޮދެއް އެޅުމަށްފަހު، ފެންފޮދު ބޯލީމެވެ. އޭރު އަހަރެންގެ އަތުގައި މަޑުމަޑު ތުރުތުރެއް އުފެދިފައި ހުއްޓެވެ. އަހަރެން ފެންބުއި ތަށި ބެހެއްޓުމަށްފަހު، ބަދިގޭން ނުކުތުމަށްޓަކައި އެނބުރިލީމެވެ. އަދި ސިޓިންގރޫމުގައި އިން ސަރަންފީ ގޮނޑިއަށް ބަލާލީމެވެ.

އެވަގުތު އަހަރެންގެ މެޔަށް ހޫނު ފެންއެއްޗެއް އަޅާލިހެން ހީވިއެވެ. ހަތަރެސްފައި ތުރުތުރު އަޅައިގަނެގެން ދިޔައެވެ. ނޭވާލާން އުނދަގޫވިއެވެ. ކަޅިޖަހާނުލާ އަހަރެންގެ މޫނަށް ބަލަހައްޓައިގެން އެ ސަރަންފީގައި އިނީ.....

-ނުނިމޭ-